आशाताई बच्छाव
म्हसदी,(प्रतिनिधी श्रीहरी बोरसे):–साक्री तालुक्यातील ककाणी येथील आदर्श माध्यमिक विद्यालयात गणेश उत्सवाच्या पार्श्वभूमीवर इको फ्रेंडली गणेश मूर्ती बनविण्याची स्पर्धा घेण्यात आली. गेल्या दोन वर्षापासून विद्यालयात विद्यार्थी इको फ्रेंडली गणेश मूर्ती साकारत आहे. त्यामुळे पर्यावरणाचा समतोल राखण्याचा उपक्रम विद्यालयात राबविला जात आहे. यावेळी विद्यार्थ्यांनी शेताच्या बांधावरील तसेच पडक्या घरांची माती, मुंग्यांचे वारूळची माती तसेच शाडूची माती आणून वेगवेगळ्या आकाराच्या गणेश मूर्ती तयार केल्या आहेत. तसेच या मूर्तींना नैसर्गिक रंगाचा वापर करून पर्यावरण पूरक गणेश मूर्तीचे प्रात्यक्षिक विद्यार्थ्यांनी दाखवले. यावेळी तीस ते पस्तीस विद्यार्थ्यांनी नैसर्गिक रंगाचा वापर करून गणेशाच्या मूर्ती तयार केल्या आहेत. यावेळी मुख्याध्यापक भटू वाणी यांनी पर्यावरणाचे महत्त्व सांगून इको फ्रेंडली गणेश उत्सव दरवर्षी साजरा करा असे आवाहन केले. त्यानंतर या गणपतीचे परीक्षण साने गुरुजी शैक्षणिक संस्थेचे अध्यक्ष शिवाजी सोनवणे, सचिव उत्तम बेडसे, संचालक बारकू बेडसे,अरुण बेडसे, रावसाहेब बेडसे, ग्रामपंचायतीचे माजी उपसरपंच निंबा नाना बेडसे, टी.व्ही. शिंदे आदींनी केले. यावेळी कलाशिक्षक के.व्ही. देवरे व एन.डी. शिंदे यांनी विद्यार्थ्यांना गणेश मूर्ती बनविण्यासाठी मार्गदर्शन केले. यावेळी मुख्याध्यापक भटू वाणी यांच्या मार्गदर्शनाखाली व्ही.वाय.कुवर, जी.एम.मारणर, पी.डी. शेवाळे, बी.आर.सोनवणे, प्रसाद बेडसे, सुषमा महाले आदींनी परिश्रम घेतले.
