आशाताई बच्छाव
म्हसदी,(प्रतिनिधी श्रीहरी बोरसे):-साक्री तालुक्यातील ककाणी येथील आदर्श माध्यमिक विद्यालयात काल लालबागच्या राजा गणरायाचे मोठ्या थाटात स्वागत करण्यात आले. यावेळी विद्यार्थ्यांनी ढोल ताशाच्या व पारंपरिक वाद्यांच्या गजरात गणरायाची मिरवणूक काढून विधिवत पूजा करून स्थापना केली. गेल्या दोन वर्षापासून विद्यालयाच्या प्रांगणात गणेशाची स्थापना करण्यात येत आहे. त्यामुळे विद्यार्थ्यांमध्ये मोठा उत्साह व चैतन्य दिसून येते आहे. तसेच गणेश चतुर्थीच्या निमित्ताने विद्यार्थ्यांनी शाडूच्या मातीचे गणपती तयार केलेल्या आहेत. यातील उत्कृष्ट मूर्तींना बक्षिसे दिली जाणार आहे. त्यामुळे विद्यार्थ्यांनी तयार केलेल्या या गणपतीचे काल अनेकांनी कौतुक केले. यावर्षी सात दिवस गणपतीची स्थापना करण्यात आली आहे. या काळात शालेय स्तरावर विविध स्पर्धा आयोजित करण्यात आल्या आहेत. या स्पर्धेतील विजेत्यांना बक्षीसही दिली जाणार आहेत अशी माहिती शिक्षक प्रसाद बेडसे यांनी दिली.काल स्थापनेच्या प्रसंगी ग्रामपुरोहित गणू महाराज दीक्षित, साने गुरुजी शैक्षणिक संस्थेचे सचिव उत्तमराव बेडसे, संचालक बारकू बेडसे, अरुण बेडसे, जगन्नाथ सोनवणे, एन.डी.शिंदे, रवींद्र बेडसे, मुख्याध्यापक भटू वाणी, शिक्षक व्ही.वाय.कुवर, पी.डी. शेवाळे, जी.एम.मारणर, बी.आर.सोनवणे, के.व्ही. देवरे, प्रसाद बेडसे, रोजगार सेवक किशोर बेडसे, आदर्श शेतकरी सोनू बेडसे, ज्ञानेश्वर बेडसे तसेच विद्यार्थी व विद्यार्थिनी उपस्थित होते.
