Home अमरावती भिलखेडा येथे सामाजिक सुरक्षा सहाय्यता व मार्गदर्शन शिबीर संपन्न

भिलखेडा येथे सामाजिक सुरक्षा सहाय्यता व मार्गदर्शन शिबीर संपन्न

97
0

आशाताई बच्छाव

IMG-20230920-WA0012.jpg

भिलखेडा येथे सामाजिक सुरक्षा सहाय्यता व मार्गदर्शन शिबीर संपन्न

युवा व युनिसेफ संस्थेच्या सामाजिक सुरक्षा प्रकल्पाचे आयोजन

चिखलदरा प्रतिनिधी
नागेश धोत्रे
युवा मराठा वृत्तसेवा

चिखलदरा तालुक्यातील ग्रामीण भागात युवा व युनिसेफ संस्थेच्या माध्यमातून वंचित घटकातील गरजु व दुर्बल कुटुंबातील लोकांना शासनाच्या सामाजिक सुरक्षेच्या योजना व उपक्रमाची जनजागृती करत लाभ मिळवून दिला जातो. त्याअंतर्गत आडनदी ग्रामपंचायत अंतर्गत येणाऱ्या भिलखेडा येथे सामाजिक सुरक्षा सहाय्यता व मार्गदर्शन शिबिराचे आयोजन करण्यात आले.

चिखलदरा तालुक्यातील प्रत्येक ग्रामपंचायतीत गावातील लोकांना सहायता व मार्गदर्शन शिबीराचे आयोजन करून दर महिन्याला एकेक ग्राम पंचायत मधील वंचित घटकातील गरजु व दुर्बल कुटुंबातील लोकांसाठी सामाजिक सुरक्षा योजने अंतर्गत वृध्द लोकांना महसुल विभाग मधुन श्रावण बाळ निराधार योजना, रेशन कार्ड योजना, महिला व बाल कल्याण विभाग मधुन माझी कन्या भाग्यश्री योजना, बेबी संच किट, बाल संगोपन योजना, अमृत आहार योजना, आरोग्य विभाग कडून मातृत्व वंदन योजना, जननी सुरक्षा योजना तसेच आधार कार्ड अपडेट व मोबाईल क्रमांक लिंक, नरेगा मध्ये खोदकाम मजुरांना महाराष्ट्र इमारत व इतर बांधकाम कामगार कल्याणकारी मंडळाची नोंदणी व योजनेचा लाभ, कृषी विभागाच्या विविध योजना यासोबतच इतर योजना बाबत गाव निहाय मार्गदर्शन व जनजागृती युवा संस्थेच्या वतीने करण्यात येत असुन गरजु व वंचित घटकातील लोकांसाठी शिबीराचे आयोजन करुन योजनाची माहिती देऊन योजना पात्र लाभार्थ्यांसाठी गाव तिथे शिबीर चे आयोजन करून ऑनलाईन-ऑफलाईन प्रक्रिया करुन देण्यास मदत होत आहे.
भिलखेडा येथे आयोजित शिबिरात शासनाच्या सामाजिक सुरक्षेच्या विविध योजनेचा लाभ लाभार्थ्यांना मिळवून देण्यात आला. यामध्ये शासनाच्या आयुष्यमान कार्ड, आभा कार्ड, श्रावणबाळ योजना, निराधार योजना, बँक खाते, माझी कन्या भाग्यश्री योजना, महाराष्ट्र इमारत व इतर बांधकाम कामगार कल्याणकारी मंडळाच्या नोंदणी, पि.एम.किसान सन्मान निधी योजना चे नोंदणी व KYC व इतर योजनेची ऑनलाइन व ऑफलाईन पद्धतीने प्रक्रिया करण्यात आली. या शिबिराचे आयोजन संस्थेचे शुभम काजे यांनी केले होते तसेच शिबिराच्या यशस्वीतेसाठी स्टेट बँकेचे ग्राहक सेवा केंद्र संचालक सुमित काजे, आशा सेविका भुरी तोटे, रोजगार सेवक राजु मावस्कर व गावातील इतरांच्या सहकार्यातून शिबीर संपन्न झाले

Previous articleगणपती माझा नाचत आला!
Next articleककाणीच्या माध्यमिक विद्यालयात गणरायांचे जल्लोषात स्वागात!
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here