आशाताई बच्छाव
प्रा.नारायण पांचाळ यांना पीएच.डी.पदवी प्रदान
मुक्रमाबाद प्रतिनिधी
मुखेड तालुक्यातील मुक्रमाबाद येथील स्वामी विवेकानंद महाविद्यालयातील भूगोल विभागातील सहाय्यक प्राध्यापक पांचाळ नारायण हनमंतराव यांना नुकतीच दिनांक 3 जुलै 2023 रोजी स्वामी रामानंद तीर्थ मराठवाडा विद्यापीठ नांदेड यांनी भूगोल या विषयातून विद्यावाचस्पती ही सर्वोच्च पदवी प्रदान करण्यात आली डॉ.नारायण पांचाळ यांनी बिदर जिल्ह्यातील अनुसूचित जाती व अनुसूचित जमातीच्या लोकसंख्येचा भौगोलिक अभ्यास या विषयावर संशोधन पूर्ण केले. त्यांनी हे यश मिळविल्याबद्दल संस्थेचे सचिव माननीय व्यंकटरावजी पाटील गोजेगावकर तसेच संस्थेचे अध्यक्ष माननीय श्री रामचंद्र पाटील गोजेगावकर यांनी अभिनंदन केले तसेच स्वामी विवेकानंद महाविद्यालयाचे प्राचार्य डॉ विवेक इनामदार, श्री छ. शिवाजी कॉलेजचे प्राचार्य श्री मुकुंदराज जाधव महाविद्यालयातील सर्व शिक्षक व शिक्षकेतर कर्मचाऱ्यांनी त्यांचे अभिनंदन केले आहे.
