आशाताई बच्छाव
प्रा.रविंद्र बाविस्कर यांना सैनिकी विज्ञान विषयात पीएच.डी.पदवी प्रदान
मुक्रमाबाद प्रतिनिधी
मुखेड तालुक्यातील मुक्रामाबाद येथील स्वामी विवेकानंद महाविद्यालयातील सैनिकी विज्ञान विभाग प्रमुख प्राध्यापक रवींद्र बाबुराव बाविस्कर यांना नुकतीच दिनांक 30 जुन 2023 रोजी कवयित्री बहिणाबाई चौधरी उत्तर महाराष्ट्र विद्यापीठ जळगाव यांनी सैनिकी विज्ञान या विषयातून विद्यावाचस्पती ही सर्वोच्च पदवी प्रदान केली आहे.डॉ. रविन्द्र बावीस्कर यांनी “दक्षिण आशियाई क्षेत्रीय सहकार्य संघटनेत (सार्क) भारताची आर्थिक भूमिका – एक अभ्यास” या विषयावर संशोधन पूर्ण केले. त्यांनी हे यश मिळविल्याबद्दल संस्थेचे सचिव श्री व्यंकटरावजी पाटील गोजेगावकर तसेच संस्थेचे अध्यक्ष श्री रामचंद्र पाटील गोजेगावकर यांनी त्यांचे अभिनंदन केले. तसेच स्वामी विवेकानंद महाविद्यालयाचे प्राचार्य डॉ विवेक इनामदार, श्री छ. शिवाजी कॉलेजचे प्राचार्य श्री मुकुंदराज जाधव, छ.संभाजी माध्यमिक विद्यालयाचे मुख्याध्यापक श्री भायेगावे बी. के., मुख्याध्यापक कापसे, मुख्याध्यापक सूर्यवंशी तसेच शाळा व महाविद्यालयातील सर्व शिक्षक व शिक्षकेतर कर्मचाऱ्यांनी त्यांचे अभिनंदन केले .
