Home Breaking News 🛑 मुंबई पोलिसांची कामगिरी चांगलीच; तरीही सर्वोच्च न्यायालयाच्या निर्णयाचे स्वागत: देशमुख 🛑

🛑 मुंबई पोलिसांची कामगिरी चांगलीच; तरीही सर्वोच्च न्यायालयाच्या निर्णयाचे स्वागत: देशमुख 🛑

96
0

🛑 मुंबई पोलिसांची कामगिरी चांगलीच; तरीही सर्वोच्च न्यायालयाच्या निर्णयाचे स्वागत: देशमुख 🛑

मुंबई ( साईप्रजित मोरे ब्युरो चीफ युवा मराठा न्युज )

मुंबई, 20 ऑगस्ट : ⭕ सुशांतसिंह प्रकरणाचा तपास सीबीआयकडे देण्याचा निर्णय सर्वोच्च न्यायालयाने दिल्यानंतर महाराष्ट्र सरकारला मोठा धक्का असल्याचं समजलं जात आहे. राज्याचे गृहमंत्री अनिल देशमुख यांनी या सर्वोच्च न्यायालयाच्या निर्णयाचं स्वागत केलं असून, सीबीआयला हवं ते सहकार्य सरकारकडून करण्यात येईल, असं त्यांनी म्हटलं आहे.

सुशांतसिंह प्रकरणाची चौकशी सीबीआयकडे देण्याची मागणी होत असताना अनिल देशमुख ठामपणे मुंबई पोलिसांच्या पाठीशी उभे राहिले होते. यावेळीही त्यांनी ‘मुंबई पोलिसांनी अत्यंत चांगली कामगिरी केली असून न्यायालयानंही तपासात दोष आढळला नसल्याचं म्हटलं आहे आणि मुंबई पोलिसांसाठी ही अभिमानाची बाब आहे,’ असंही त्यांनी स्पष्ट केलं आहे.

‘सुशांतसिंह आत्महत्येप्रकरणी विरोधी पक्षातील नेते राजकारण करण्याचा प्रयत्न करत आहे. बिहारमध्ये लवकरच निवडणूका होणार आहेत त्यानुषंगानेचं राजकारण केले जात आहे,’ असाही पुनरुच्चार त्यांनी केला. सर्वोच्च न्यायालयाच्या निकालावर राज्य सरकार पुनर्विचार याचिका दाखल करणार करणार का हा प्रश्न विचारला असता, त्यांनी याबाबत उत्तर देणं टाळलं आहे.

दरम्यान, काही दिवसांपूर्वीच अनिल देशमुख यांनी मुंबई पोलिसांची पाठराखण केली होती. मुंबई पोलीस या प्रकरणाचा व्यावसायिक पद्धतीनं तपास करत आहेत. सर्व बाजू तपासून पाहिल्या जात आहेत. त्यामुळं सीबीआय तपासाची गरज नाही, असं देशमुख यांनी स्पष्ट केलं होतं. याबाबतीत कुणीही राजकारण करू नये, असं त्यांनी विरोधकांना सुनावलं होतं.

अनिल देशमुख यांनी सीबीआय चौकशीला नकार दिल्यानंतर भाजप आक्रमक झाली आहे. अनिल देशमुख यांनी राजीनामा द्यावा अशी मागणी विरोधकांकडून करण्यात येत आहे. मुंबईच्या पोलीस आयुक्तांनी सुशांत प्रकरणात तब्बल दोन महिने साधा एफआयआर नोंदवून न घेणं हे दुर्दैवी आहे. ह्याची जबाबदारी घेऊन महाराष्ट्रचे गृहमंत्री अनिल देशमुख यांनी राजीनामा द्यावा,’ अशी मागणी भाजपचे माजी खासदार किरीट सोमय्या यांनी केली आहे.⭕

Previous article🛑 ड्रीम इलेव्हनच्या चीनी कनेक्शनवर बीसीसीआय काय म्हणाली, पाहा.. 🛑
Next article🛑 सरकारी नोकरीसंदर्भात मोदी सरकारचा ऐतिहासिक निर्णय 🛑
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here