आशाताई बच्छाव
लोअर परळ विभागातील वृत्तपत्र विक्रेत्याच्या मुलीने दहावी शालांत परिक्षेत घवघवीत यश प्राप्त केले
मुंबई : ( विजय पवार प्रतिनिधी )
आई-वडील आपली स्वप्न मुलांमध्ये पहात असतात. त्यासाठी ते कठोर परिश्रम घेतात. मात्र स्वप्नांना सत्यात उतरवण्यासाठी मुलांकडूनही अथक परिश्रम, जिद्द, आणि चिकटीची जोड लागते. ती असेल तर कितीही प्रतिकूल परिस्थिती असली तरी यशाचं शिखर सर करता येत.
महाराष्ट्र राज्य माध्यमिक व उच्च माध्यमिक शिक्षण मंडळ पुणेद्वारा जाहीर करण्यात आलेल्या इयत्ता दहावीच्या परीक्षेत आय. ई.एस.माॅर्डन इंग्लिश स्कूल दादरची विद्यार्थिनी दुर्वा प्रसाद भोसले हिने इयत्ता दहावीच्या परीक्षेत (इंग्रजी माध्यम) घवघवीत यश संपादन केले आहे.
लोअर परळ विभागातील वृत्तपत्र विक्रेते प्रसाद भोसले यांची मुलगी व बृहन्मुंबई वृत्तपत्र विक्रेता संघाचे विश्वस्त जीवन भोसले यांची पुतणी दुर्वा भोसले हिने दहावी शालांत परिक्षेत ९४.८०% प्राप्त करून घवघवीत यश संपादन केले आहे.
कु.दुर्वा हिने आपल्या यशाचे श्रेय शाळेचे मुख्याध्यापक, गुरुजन वर्ग,क्लासचे शिक्षक कनेरकर सर, तसेच आजी, आजोबा, आई, वडील व काका,काकी यांना दिले आहे.
शाखाप्रमुख गोपाळ खाड्ये, गोवर्धन सोसायटीचे अध्यक्ष अंकुश पलसे, उपशाखाप्रमुख संतोष मोरे, यांनी घरी जाऊन दुर्वासह सर्व भोसले परिवाराचे अभिनंदन केले. दुर्वाच्या या यशप्राप्तीबद्दल सर्वच स्तरातून अभिनंदनाचा वर्षांव होत आहे. मुंबईतील सर्व वृत्तपत्र विक्रेत्यांना अभिमान वाटेल असेच हे यश आहे. बृहन्मुंबई वृत्तपत्र विक्रेता संघाचे सरचिटणीस श्री. संजय चौकेकर यांनी दुर्वा भोसले हिला शाबासकी दिली व पुढील शैक्षणिक वाटचालीसाठी शुभेच्छा दिल्या.
