आशाताई बच्छाव
कोणसरी प्रकल्पामध्ये स्थानिक युवकांना प्राधान्य देऊन तेथील शेतकऱ्यांवरील अन्याय दूर करा
आमदार डॉक्टर देवरावजी होळी
गडचिरोली,(सुरज गुंडमवार ब्युरो चीफ)-
स्थानिकांना सामावून घ्यावे याकरिता स्थानीक युवकांचे आ. डॉ.देवरावजी होळी यांना निवेदन
स्थानीक युवकांच्या आंदोलनामध्ये आ. डॉ.देवरावजी होळी सहभागी होणार
सुरजागड लोह प्रकल्पातून तयार होणाऱ्या कोnuसरी पोलाद कारखान्यामध्ये स्थानिक लोकांना नौकरी मिळावी याकरिता वारंवार मागणी करूनही सुरजागड व कोणसरीचे प्रशासन त्याकडे दुर्लक्ष करत असल्याने स्थानिक युवक कंपनीच्या विरोधामध्ये मोठे आंदोलन करणार आहेत. त्यामुळे या आंदोलनाच्या पूर्वीच स्थानिकांना सेवेत सामावून घेण्याची प्रक्रिया सुरू करावी व या युवकांच्या मागण्या विचारात घेण्यात याव्यात अशी मागणी आमदार डॉक्टर देवराव जी होळी यांनी केली असून असे न केल्यास आपणही या तरुण युवकांच्या आंदोलनात सहभागी होऊ असा इशारा त्यांनी कोणसरी पोलाद प्रकल्प कंपनीला दिलेला आहे .
आमदार डॉक्टर देवरावजी होळी यांना याबाबतचे निवेदन स्थानिक युवकानी दिले. यावेळी निवेदन देताना जितेंद्र हुलके सरपंच ग्रामपंचायत कढोली, वसंत चौधरी उपसरपंच अनखोडा ,पवन रामगिरीवार आष्टी, , नेमाजी घोगरे गडचिरोली , हरेश निखाडे माजी उपसरपंच जयरामपूर ,संदीपभाऊ तिवाडे आष्टी, राहुल कुमरे उमरी यांचेसह युवक उपस्थित होते.
यावेळी निवेदनामध्ये परिसरातील स्थानिक युवक बेरोजगारांना प्राधान्य देण्यात यावे, जमिनीची अधिग्रहण प्रक्रिया पार पाडताना जमीन मालकांची मध्यस्था मार्फत चर्चा न करता थेट चर्चा करण्यात यावी, अधिग्रहण करण्यात येणाऱ्या जमिनींना योग्य मोबदला देण्यात यावा, या प्रकल्पासाठी ज्यांच्या जमिनी गेल्या त्यांना तुटपुंजे वेतन न देता पगारवाढ करण्यात यावी ,दिशाभूल व फसवणूक करून जमीन अधिग्रहण करू नये या मागण्या निवेदनाच्या माध्यमातून आमदार डॉक्टर देवरावजी होळी यांच्याकडे केल्या. तसेच १५ दिवसाच्या आत मागण्या पूर्ण न झाल्यास रस्त्यावर उतरून आंदोलन करू असा इशाराही त्यांनी सुरजागड लोह प्रकल्प व कोणसरी पोलाद कारखान्याच्या प्रशासनाला दिलेला आहे.