आशाताई बच्छाव
(भिला आहेर प्रतिनिधी युवा मराठा न्युज नेटवर्क)
देवळा:- मेशी ता. देवळा येथे जेनेरिकार्ट स्वस्त औषधी सेवा मेडिकलचे देवदारेश्वर पिंपळगाव (वा.) येथील गणेशानंदपुरीजी महाराज यांच्या हस्ते नुकतेच उदघाटन झाले. मेशी हे सात हजार लोकवस्तीचे मोठे गाव असून निंबोळा, महालपाटने, वासोळ,डोंगरगाव, देवपूरपाडे,,खालप ,दहिवड या गावांच्या जवळ असून ह्या गावांचा मेशी गावाशी नेहमीच संपर्क येत असल्याने परिसरात जेनेरिकार्ट स्वस्त औषधी सेवा नसल्याने ही बाब ओळखून येथील डॉ. किशोर भामरे व ऋषिकेश मेडिकलचे संचालक कृष्णा माने यांनी परिसरातील रुग्णांना स्वस्त औषधी सेवा उपलब्ध करून दिल्याने रुग्णांची चांगली सोय झाली आहे. त्यामुळे परिसरातील जनते कडून त्यांचे आभार मानले जात आहेत.
उदघाटन प्रसंगी प्रमुख पाहुणे म्हणून जेनेरिकार्टचे झोनल हेड कैवल्य रिसबुड,नाशिक हेड भूषण शिंदे उपस्थित होते.