आशाताई बच्छाव
युवा मराठा न्युज धाराशिव जिल्हा ब्युरो चीफ श्री. नागेश शिंदे
तामलवाडी: तुळजापूर तालुक्यातील तामलवाडी येथे आज दि. 22/02/2023 रोजी बँक ऑफ महाराष्ट्र शाखा तामलवाडी यांच्या वतीने बचत गटाचा मेळावा घेण्यात आला. या मेळाव्यात बचत गटांना एकुण 12 ते 15 लाख रु. कर्ज मंजुर करून वाटप करण्यात आले. तसेच बचत गटातील महिलांना सोशल स्कीम म्हणजेच PMJBY , SBY , APY , PPF AC. यांची माहिती दिली , बचत गटातील महिलांना कर्ज स्वरुपात मदत मिळाल्यामुळे त्यांना त्या पैशातुन घरी छोटासा व्यवसाय उभा करता येणार आहे , जर प्रत्येक गावातील महिलांनी अशे गट उभा केले तर महिला सक्षम बनतील, त्यांनाहि कांहि तरी करुन दाखवत येईल , त्यांच्या स्वप्नास नविन भरारी मिळेल.
बचत गटातील महिलांना कर्ज मिळवून देण्यासाठी गटाच्या सी.आर.पी. उज्वलाताई जगताप, उषाताई गायकवाड, बॅंक मित्र – गणेश गोडसे, नागेश शिंदे, सचिन कसबे यांनी सहकार्य केले ,
त्याचबरोबर शाखा अधिकारी श्री.कृष्णा सर , भोसले सर , त्यांचे सहकारी वासु सर, राउत सर, हेमलता म्यॅडम, यांनी विशेष लक्ष घालुन बचत गटांना कर्ज मिळवुन दिले. महिलांना कांहि तरी करुन दाखवण्यासाठी संधी दिल्याबद्दल गटातील सर्व सभासदांनी आभार व्यक्त केले.
