आंशुराज पाटिल मालेगाव कार्यालय
मध्यप्रदेशातील सिहोरमध्ये रुद्राक्ष महोत्सवात चेंगराचेंगरी एक महिला ठार चार बेपता… सिहोरहून, प्रतिनिधी (राकेश पाटिल / दिपक भावसार/ प्रशांत बच्छाव प्रतिनिधी युवा मराठा न्युज नेटवर्क)- मध्यप्रदेशातील सिहोर येथील कुबेरश्वर धाम नावाने परिचीत असलेल्या ठिकाणी महाशिवरात्रीच्या मुहुर्तावर श्री.विठ्ठलेश सेवा समितीने आयोजीत केलेल्या रुद्राक्ष महोत्सव व शिवपुराण कथा वाचन कार्यक्रमात रुद्राक्ष मिळविण्यासाठी झालेल्या चेंगराचेंगरीत महाराष्ट्रातील एक महिला जागीच ठार झाली,तर चार महिला अजून बेपता आहेत.युवा मराठा न्युजच्या प्रतिनिधीनी थेट घटनास्थळावरुन दुरध्वनीव्दारे दिलेली माहिती अशी की,सिहोर मधील रुद्राक्ष महोत्सव कार्यक्रमासाठी देशभरातून मोठया संख्येने भाविक रात्रीपासूनच सिहोर मध्ये जमा होण्यास सुरुवात झालेली होती,तर येथे कुठल्याही प्रकारचे नियोजन नव्हते साधे पिण्यासाठी पाणी देखील उपलब्ध नव्हते त्यामुळे असंख्य भाविक हे रात्रीपासून अन्न पाण्यावाचून उपवासी होते.आज रुद्राक्ष वाटप कार्यक्रम सुरु होताच भाविकांची झुंबड उडाली व त्यात हि दुर्घटना घडली.मध्यप्रदेशचे मुख्यमंत्री शिवराजसिंह चौहान सिहोरचा दौरा करणार असल्याचे जाहिर करण्यात आले आहे. *हा तर श्रध्देचा बाजार व पाखंड असल्याचे परखड मत मध्यप्रदेश मधील एका न्युज चँनलचे सिनीयर पत्रकार रमेश शर्मा यांनी व्यक्त केले आहे.*