आशाताई बच्छाव
नाशिक पदवीधर निवडणूक; शेवटच्या दिवशी ‘तांबे विरुद्ध शुभांगी पाटील’ प्रचाराचा धुराळा
भास्कर देवरे (युवा मराठा न्यूज नेटवर्क)
नाशिक : पदवीधर मतदारसंघ निवडणूकीचा
आज प्रचाराचा शेवटचा दिवस आहे. अगदी सुरुवातीपासून ते आतापर्यंत या निवडणुकीत अनेक नाट्यमय घडामोडी घडत आहेत. आतापर्यंत सत्यजित तांबे आणि शुभांगी पाटील यांच्यात थेट लढत पहायला मिळत आहे. सोबतच भाजपाचा पाठिंबा मलाच असं म्हणणारे स्वराज्य संघटनेचे उमेदवार सुरेश पवार यांनी देखील या निवडणुकीत रंगत आणली आहे.
आज शेवटच्या दिवशी शुभांगी पाटील आणि सत्यजित तांबे हे दोघे उमेदवार नगर जिल्ह्यात प्रचार करणार आहेत. मात्र भाजपचा पाठिंबा कुणाला हे अद्यापही जाहीर नाहीये. भाजप पक्षाने अद्याप कुणालाही पाठिंबा जाहीर केलाच नाहीये. असं असलं तरी भाजपाचा सत्यजित तांबे यांना छुपा पाठिंबा असल्याच्या चर्चा असून या निवडणुकीत महाविकास आघाडी विरुद्ध सत्यजित तांबे अशी थेट लढत पहायला मिळत आहे.
पदवीधर मतदारसंघ निवडणुकीची सुरुवातच
नाट्यमय झाली असून आधी शेवटच्या दिवसांपर्यंत कोणाकडूनही उमेदवार न दिल्याने गोंधळ उडाला. त्यानंतर तांबे पिता-पुत्राने गेमचेंजर ठरले. या मतदारसंघात एकामागे एक अनेक टर्न आले असून येणाऱ्या काही तासात नाशिक पदवीधर मतदारसंघात नाट्यमयत घडामोडी पाहायला मिळतील असा दावा स्वराज संघटनेच्या नेत्यांनी केला. त्यात आज प्रचाराच्या शेवटच्या दिवसात काय काय घडामोडी घडतात याकडे लक्ष लागून आहे.
भाजप स्वराज्य संघटनेच्या उमेदवाराला पाठिंबा देण्याच्या तयारीत आहे का? की तांबे यांना छुपी मदत करून कॉंग्रेसचा उमेदवार फोडला यात समाधान मानणार आहे. याकडे सर्वांचे लक्ष लागले आहे. भाजपचा पाठिंबा मात्र एक कोडे बनला असून शुभांगी पाटील यांच्यामागे मात्र मविआने आपली संपूर्ण ताकद लावली असून त्यांनी आपल्या बाजूने वातावरण निर्मिती केली आहे. तर दुसरीकडे दोघेही उमेदवार आज प्रचाराच्या अखेरच्या दिवशी नगर जिल्ह्यात ताकत आजमावत आहेत.
भाजप स्वराज्य संघटनेच्या उमेदवाराला पाठिंबा देण्याच्या तयारीत आहे का? की तांबे यांना छुपी मदत करून कॉंग्रेसचा उमेदवार फोडला यात समाधान मानणार आहे. याकडे सर्वांचे लक्ष लागले आहे. भाजपचा पाठिंबा मात्र एक कोडे बनला असून शुभांगी पाटील यांच्यामागे मात्र मविआने आपली संपूर्ण ताकद लावली असून त्यांनी आपल्या बाजूने वातावरण निर्मिती केली आहे. तर दुसरीकडे दोघेही उमेदवार आज प्रचाराच्या अखेरच्या दिवशी नगर जिल्ह्यात ताकत आजमावत आहेत.