आशाताई बच्छाव
श्री शिवशंकर विद्यालयात आनंद मेळावा उत्साहात,. वानखेड…
ब्यूरो चिफ स्वप्निल देशमुख युवा मराठा न्यूज बुलढाणा
श्री शिवशंकर विद्यालयात मंगळवारी दि.17-01-2023 स्काऊट गाईड पथकाच्यावतीने आनंद मेळाव्याचे आयोजन करण्यात आले होते. अध्यक्षस्थानी विद्यालयलयाचे उपाध्यक्ष श्री राजकुमारजी गांधी होते.तर प्रमुख अतिथी म्हणून कोषाध्यक्ष श्री मनोजभाऊ पालीवाल, सदस्य श्री संतोषभाऊ येनकर,माजी शिक्षक पालीवाल सर, पवनभाऊ पालीवाल,विद्यालयाचे मुख्याध्यापक श्री आर ओ राठी सर होते.
विद्यार्थ्यांनी आनंद मेळाव्या मध्ये छान खाऊची दुकाने लावली होती. यामध्ये भेळ, इडली, पाणीपुरी, मसाला दुध, पोहे….. इत्यादी पदार्थांचे स्टॅाल्स लावण्यात आले होते. प्रत्येकाने आपली दुकानं छान सजवली होती. सुंदर दुकानाच्या नावाची पाटी तयार करून लावली होती. विद्यार्थ्यांची तयारी व उत्साह पाहता आनंद मेळावा आयोजित करण्या मागील उद्देश विद्यार्थ्यांन मध्ये व्यवस्थापन कौशल्य व व्यवहार ज्ञान विकसित करणे हे सार्थक झाल्या सारखे वाटले.
स्काऊट गाईड विद्यार्थ्यांनी खरी कमाई करण्याच्या दृष्टीने विविध खाद्यपदार्थ घरुन तयार करून आणले व 45 स्टॉल लावण्यात आले.विद्यार्थांनी 4900 रुपयांची विक्री करून 4% खरी कमाई मधुन गाईड शिक्षिका सरदार मॅडम यांच्याकडे सुपूर्द केली, कार्यक्रमाच्या यशस्वितेसाठी स्काऊट शिक्षक जोशी सर तसेच सर्व शिक्षक व शिक्षकेतर कर्मचाऱ्यांनी परिश्रम घेतले.