आशाताई बच्छाव
दिव्यांग व्यक्तीवरील अत्याचारातील आरोपी तामगाव पोलीस स्टेशनला अटकेत.
बुलढाणा,(ब्युरो टिम युवा मराठा न्युज नेटवर्क)
संग्रामपूर तालुक्यातील काकनवाडा खुर्द येथील दिव्यांग महिला स्वतःच्या शेतात काम करीत असतांना व शेताची पाहणी करत असतांना आरोपी यांनी त्या दिव्यांग महिलेला मारहाण तसेच लोटपात व अत्याचार करण्याचा प्रयत्न केला व नंतर घरी येऊन घरात घुसून सुद्धा मारहाण केल्याच्या घटनेची दिनांक 17 डिसेंबर 2022 रोजी दिव्यांग महिलेने दिलेल्या तक्रारीवरून आरोपी मंगेश अढाव, पुरुषोत्तम अढाव व सुनंदा अढाव सर्व राहणार काकनवाडा खुर्द या आरोपी विरुद्ध अपराध क्रमांक 388/2022 भादविचे कलम 354, ३५४ ए, ४५२,३२३, २९४,५०६,३४ पोलीस स्टेशन तामगाव येथे गुन्हे दाखल करण्यात आले. मात्र पोलिसांनी दिव्यांग व्यक्ती संरक्षण कायदा 2016 चे कलम 92 लावले नव्हते सदरचे कलम हे लावल्यास आरोपींना विशेष न्यायालय समक्ष आरोपीस हजर करावे लागते मात्र पोलिसांनी केवळ आरोपींना वाचविण्याच्या दृष्टीने दिव्यांग व्यक्ती संरक्षण कायद्याचे कलम 92 हे आरोपीवर लावले नव्हते तसेच सदरचे प्रकरणात दिव्यांग व्यक्ती संरक्षण कायदा चे कलम 84 प्रमाणे केवळ विशेष न्यायालय यांना सदरच्या प्रकरणात न्यायनिर्वाळा व आदेश पारित करण्याचे अधिकार आहेत अशा प्रकारचे फिर्यादीने आज दिनांक 22 डिसेंबर 2022 रोजी आरोपींना पोलिसांनी अटक करून संग्रामपूर न्यायालयात हजर केले असता विद्यमान संग्रामपूर न्यायालयात नाराजी पिटीशन एडवोकेट विद्यासागर अलोने व एडवोकेट निवृत्ती वाघ यांचेमार्फत दाखल केले. त्यावर प्रदीर्घ युक्तिवादानंतर फिर्यादी महिलेच्या नाराजी पिटीशन ची दखल घेत संग्रामपूर विद्यमान न्यायालयाने आरोपींचा रिमांड हा विशेष न्यायालया कडे वर्ग केला असून आरोपींना जामीन न देता प्रकरण विशेष न्यायालयाकडे वर्ग केले आहे. अशी माहिती फिर्यादी तर्फे वकील श्री विद्यासागर अलोने यांनी दिली असून सदर तिन्ही आरोपींना पोलीस स्टेशन तामगाव येथे अटकेत ठेवण्यात आले असून सदर आरोपींना रात्रभर पोलीस स्टेशन तामगाव येथेच जामीन न झाल्यामुळे ठेवण्यात आले व दुसऱ्या दिवशी आरोपींना विशेष न्यायालयात हजर करण्यात येईल अशी माहिती पोलीस स्टेशन तामगाव येथून मिळाली त्यामुळे विशेष न्यायालय यावर काय आदेश करते याकडे तालुक्यातील नागरिकांचे लक्ष लागले आहे. दिव्यांग पीडितेच्या संदर्भात माहिती लपवण्या प्रकरणी दिव्यांग व्यक्ती संरक्षण कायद्याचे कलम 93 नुसार तामगाव पोलीस स्टेशनचे ठाणेदार उलेमाले व चौकशी अधिकारी कोल्हे यांच्यावर देखील होणाऱ्या दंडात्मक कार्यवाईवर सर्वांचे लक्ष लागले आहे.