आशाताई बच्छाव
मुक्रमाबाद येथे शिधापञीका कॕम्प लावून वाटप करण्याची इंसाफ मागणी
——————————–
अनेक लाभधारकांना डायरीवर धान्य घेण्याची वेळ
——————————–
मुक्रमाबाद (प्रतिनिधी )
मुखेड तालुक्यातील मुक्रमाबाद हे शहर तालुकास्तरावरचे असून या ठिकाणी वाढीव कुटुंबाची संख्या मोठ्या प्रमाणात आहे. या ठिकाणी चार स्वस्थ धान्य दुकान आहेत .मात्र दुकानदारांच्या माध्यमातून शिधापत्रिकेसाठी प्रयत्न होताना दिसत नाही.काही ग्राहाकांना साध्या डायरीवर धान्य घ्यावे लागत आहे. शिधापत्रिका नसल्यामुळे गोरगरीब नागरिकांना स्वस्त धान्यापासून मुकावे देखील लागत आहे. तसेच सर्वसामान्यांसाठी असणाऱ्या आरोग्य सेवेपासून वंचित राहावे लागते. तसेच मुक्रमाबाद हे शहर लेंडी प्रधान प्रकल्पामध्ये संपादित झालेले असल्यामुळे या ठिकाणी वाढीव कुटुंब सर्वेक्षणाचा मोठा प्रश्न असून येणाऱ्या काळात गरज भासल्यास शिधापञीका नसल्यामुळे अनेक कुटुंबाचे मोठ्या प्रमाणात नुकसान देखील होण्याची शक्यता नाकारता येत नाही. यामुळे ऑल इंडिया तंन्जिम-ए-इंसाफ च्या वतीने मुखेड तहसीलदार यांना मुक्रमाबाद येथील शासकीय विश्रामगृहात आठ दिवसीय शिधापत्रिका कॅम्प लावून या ठिकाणीच कागदपत्रे जमा करून घेऊन तात्काळ स्वरूपात गावातच शिधापत्रिका वाटप करण्यात यावी. अशी मागणी करण्यात आली. त्याला तहसीलदार यांनी दुजोरा देत आम्ही लवकरात लवकर राशन दुकानदारांना आदेशित करू असे आश्वासन निवेदन कर्त्यांना दिले आहे. या निवेदनावेळी ऑल इंडिया तन्जीमे इंसाफ चे जिल्हा समन्वयक जलील पठाण सामाजिक कार्यकर्ते खाजा शेख, मनान शेख युवक काँग्रेसचे शफी खुरेशी ,मोहसीन कोतवाल, जलील पटेल, साजिद शेख, सोहेल शेख, सह अनेक पदाधिकारी उपस्थित होते.