आशाताई बच्छाव
जनतेला संरक्षण देणाऱ्या पोलीसांचीच घरे असुरक्षित
▪️मुखेड पोलीस जीव मुठीत धरून राहतात पोलीस काॅलनीत !
▪️ त्वरित घरे बांधून देण्याची पोलीस कर्मचाऱ्यांची मागणी. नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
मुखेड शहरातील पोलिस कर्मचारी निवासस्थानी राहणारे कर्मचारी हे धोकादायक ६० वर्षाच्या जीर्ण इमारतीत राहतात . ३० निवासस्थानांपैकी केवळ ११ निवासस्थानी कर्मचारी हे जीव मुठीत धरून तिथे राहतात . तालुक्यातील जनतेचे संरक्षण करणारे सध्या स्वतःच्याच घरात भीतीने राहतात याकडे जाणीवपूर्वक बांधकाम विभाग दुर्लक्ष करीत असुन जनतेचे संरक्षण करणारे पोलिसच असुरक्षित
. तालुक्याचे आमदार डॉ . तुषार राठोड हे तीन वर्षांपासून पाठपुरावा करीत आहेत आणि १५ करोड रुपये इतका निधी मंजूर करण्यात आला आहे , असे आम्हाला पोलिस स्टेशनकडून माहिती विचारांती कळाले ; परंतु आम्ही जेव्हा बांधकाम विभागातील उपअभियंता • बालाजी शिंदे यांच्याशी संपर्क साधला असता तेव्हा त्यांनी आमच्याकडून प्रस्ताव पाठविण्यात आला व त्याची मंजुरी येणे , स्ट्रक्चर सर्वेक्षण हे सर्व बाबी प्रोसेसमध्ये आहेत , असे दूरध्वनीवरून सांगितले . तसेच या निवासस्थानासाठी उपलब्ध जागा ही १ हे . ६१ आर इतकी आहे आणि मनुष्यबळाइतकेही निवासस्थाने नाहीत . तेथील ६० वर्षांखालील घरांची इतकी दुरवस्था झाली आहे की , तिथे राहणाऱ्या कर्मचाऱ्यांना सुद्धा दाखवता येत नाही आणि बघणाऱ्यांना बघावे वाटत नाही . अशा परिस्थितीत पोलिस स्टेशनकडून निवासस्थानांची दुरुस्ती करावी व नवीन निवासस्थान बांधून देण्यासाठी अनेकदा पत्रव्यवहार करून सुद्धा या डिपार्टमेंटबद्दल बांधकाम विभागाची उदासीनता दिसून आली आहे . पोलिस स्टेशन निवासस्थान प्रांगणात तब्बल एक कोटी खर्च करून इमारत उभी केली ; परंतु इमारतीस विद्युत पुरवठा मीटर नसल्याने ती एक शोभेचीच वस्तू बनली आहे . त्याकडेही कोणाचे लक्ष जात नाही ; परंतु बांधकाम विभाग लक्ष दिले तर त्या ठिकाणी राहण्यासाठी काही कर्मचाऱ्यांची योग्य सोय होऊ शकते .
