आशाताई बच्छाव
दिवाळी निमित्त शासनाच्या वतीने उंद्री प.दे. येथील स्वस्त धान्य दुकानात आनंदाचा शिधा किटचे वाटप.
नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
मुखेड – राज्यातील गोरगरिबांच्या घरी ही दिवाळी आनंदात साजरी व्हावी या उद्देशाने महाराष्ट्र शासनाने आनंदाचा शिधा ही विशेष योजना राज्याच्या कानाकोपऱ्यापर्यंत पोहोचविण्यात यश मिळवले आहे. स्वस्त धान्य दुकानातून जे लोक धान्य घेतात त्यांना अवघ्या शंभर रुपयात एक किलो साखर, एक किलो रवा, एक किलो चणाडाळ,एक लिटर पामतेल अशी किट शासनाने उपलब्ध करून दिली. गोरगरिबांच्या घरात ही महाराष्ट्र सरकारने दिवाळीची दिलेली ही गोड भेट असून मुखेड तालुक्यातील उंद्री प.दे. येथील एकनाथराव मल्हारराव नाईक हसनाळ प.दे. जोड स्वस्त धान्य दुकान उंद्री प.दे. येथे आनंदाचा शिधा किटचे वाटप करण्यात आले.
यावेळी रवींद्र पवार,राजू अडबलवार, राजू पाटील सूर्यवंशी (दुकानदार),दयानंद सोनकांबळे, उमेश सोनकांबळे,राजू वाघमारे, गोरख सोनकांबळे, गणेश शिरगिरे, गुंडाजी पाटील सूर्यवंशी, धनाजी पाटील पसारे, शिवाजी सकरगे, पत्रकार मनोज बिरादार यांच्यासह असंख्य कार्डधारक लाभार्थी उपस्थित होते.