आशाताई बच्छाव
कहाळा बू.येथे १२ लाख ७१ हजार ४९० रुपयाचा गुटखा जप्त.
नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
==================
बिलोलीचे सहायक पोलीस अधिक्षक अर्चित चांडक यांना मिळालेल्या गोपनीय माहीतीवरून नायगाव तालुक्यातील काहाळा (बु) येथील अवैध गुटखा साठवूना-या विक्रेत्याच्या घरावर धाड टाकून बारा लाख एकाहत्तर हजारचा गुटखा जप्त करून एका आरोपीस अटक करण्यात आल्याची माहीती कुंटूरचे सपोनि महादेव पुरी यांनी दिली आहे.
चांडक यांना नायगाव तालुक्यातील कहाळा (बु) येथील नवीन आबादी येथील टिनशेड मध्ये गुटखा व तंबाखूजन्य पदार्थ आसल्याची गोपनिय माहीती मिळाल्याने त्यांनी नायगाव, कुंटूर, पोलीस आणि रामतीर्थ पोलीस यांचे संयुक्त पथक करून १३ ऑक्टोबर च्या ८ वाजेच्या सुमारास खाजगी वाहनात जाऊन मुस्तफा शेख यांच्या घरावर धाड मारत १२ लाख ७१ हजार ४९० रूपायचा मुदेमाल जप्त केला आहे.
बिलोलीचे सहाय्यक पोलीस अधिक्षक अर्चित चांडक यांच्या मार्गदर्शनाखाली पोलीस निरीक्षक अभिषेक शिंदे, सपोनि महादेव पुरी यानी संयुक्त पथक तयार करून काहाळा( बु ) ही सर्वांत मोठया गुटखा आडयावर धाड मारत आरोपीच्या मुसक्या आवळल्या आहेत. या धाडसी कारवाईने अवैध गुटखा विकणा-यां माफीयाचे धाबे दणाणले आहेत.
नायगांव पोलीस ठाण्याचे पोलीस निरीक्षक अभिषेक शिंदे यांच्या तक्रारीवरून आरोपी मुस्तफा जमिल शेख यांच्या विरोधात कुंटूर पोलीस ठाण्यात कलम 188 , 272,273, 328, भादवी सह अन्नसुरक्षा व मानदे कायदया अंतर्गत 26 (2 ) 27, 30( 2),(अ) कलम चा भंग करून शिक्षा पात्र 59 प्रमाणे कुंटूर पोलीस ठाण्यात गुन्हा दाखल करण्यात आला आहे. पुढील तपास सपोनि महादेव पुरी हे करत आहेत. ही कारवाई यशस्वी करण्यासाठी नायगाव, रामतिर्थ आणि कुंटूर पोलीसानी परिश्रम घेतले आहे .
