आशाताई बच्छाव
शेतरस्त्याच्या वादातून मायलेकाला मारहाण
दोन आरोपींविरुद्ध गुन्हा दाखल ,कोथळी शिवारातील घटना
मोताळा,(संजय पन्हाळकर प्रतिनिधी युवा मराठा न्युज नेटवर्क)- शेतरस्त्याच्या वादातून दोघा मायलेकाला आरोपी पिता-पुत्राने लाकडी शिंगड्याने मारहाण करून जखमी केल्याची घटना कोथळी शिवारात काल बुधवार (12) घडली .या प्रकरणी बोराखेडी पोलिसांनी दोघा आरोपींविरुद्ध गुन्हा दाखल केला आहे तालुक्यातील कोथळी येथील गजेश मोहनलाल जैस्वाल (42) यांनी बोराखेडी पोलिसांत तक्रार केली , त्यांची कोथळी शिवारात 12 एक्कर शेती असून त्यांच्या शेजारी काका अशोक हिरालाल जैस्वाल यांची शेती आहे . या दोघा कुटुंबात शेतरस्त्याच्या कारणावरून वाद आहेत . फिर्यादी गजेश जैस्वाल हे बुधवार (10) सकाळी 9 वाजताच्या सुमारास आई व दोन मजुरा सोबत बैलगाडीने शेतात जात होते. या वेळी काका अशोक जैस्वाल यांच्या शेतातून रस्त्याने बैलगाडी घेऊन जात असताना.अशोक जैस्वाल व त्यांच्या मुलगा सावन जैस्वाल या दोघांनी शेताला असलेले गेट बंद करून घेतले . फिर्यादी गजेश यांनी विचारणा केली असता. दोघे आरोपी पिता-पुत्रांनी शिवीगाळ करीत लाकडी शिंगाडा डोख्यात मारून जखमी केले . या वेळी फिर्यादीची आई भांडण सोडवायला आली असता .अशोक जैस्वाल यांनी तिला चापट बुक्यांनी मारहाण केली. तसेच पुन्हा या रस्त्याने आल्यास जीवे मारण्याची धमकी दिली . या प्रकरणी गजेश जैस्वाल यांच्या तक्रारींवरून पोलिसांनी आरोपी अशोक जैस्वाल व सावन जैस्वाल या दोघांविरुद्ध विविध कलमानव्ये गुन्हा दाखल केला आहे. पुढील तपास एएसआय यशवंत तायडे पोका सुनील भवटे करीत आहे.