आशाताई बच्छाव
कळझोंडी गावचे माजी पोलीस पाटील चंद्रकांत पवार यांचे निधन
रत्नागिरी,(सुनील धावडे)- तालुक्यातील कळझोंडी गावचे माजी पोलीस पाटील चंद्रकांत लक्ष्मण पवार यांचे २ सप्टेंबर रोजी निधन झाले. निधनासमयी ते ६१ वर्षाचे होते
चंद्रकांत पवार यांनी गेली अनेक वर्ष पोलीस पाटील म्हणून कळझोंडी गावात अतिशय चांगल्या प्रकारे उल्लेखनीय कामगिरी केली. गावात शांतता व सुव्यवस्था राखण्यासाठी ते नेहमीच अग्रेसर असत. पोलीस पाटील पदावरून ते गेले दोन वर्षांपूर्वीच नियत वयोमानानुसार निवृत्त झाले होते. ते अतिशय उत्साही , धाडसी आणि सुस्वभावी होते. सुख दुःखाच्या प्रसंगी ते अनेकांना मदतीचा हात देत असत. बौद्धजन पंचायत समिती गाव शाखेच्या सचिव पदावर त्यांनी अनेक वर्ष निष्ठेने आणि आवडीने काम केले होते.
दिवंगत चंद्रकांत पवार यांच्या पश्चात पत्नी, भाऊ, बहीणी, मुली, सुना, नातवंडे, पुतणे असा मोठा परिवार आहे. चंद्रकांत पवार यांच्या निधनाबद्दल परिसरातून हळहळ व्यक्त होत आहे. त्यांच्या अंत्ययात्रेत परिसरातील अनेक गावातील लोक सहभागी झाले होते.
त्यांचा जलदान विधी गुरुवार ८ सप्टेंबर रोजी कळझोंडी येथील राहत्या घरी होणार आहे.
