आशाताई बच्छाव
आरमोरी तालुक्यातील सालमारा येथे वाघाने केला शेतकऱ्यास ठार।
गडचिरोली,(सुरज गुंडमवार ब्युरो चीफ युवा मराठा न्युज नेटवर्क): आरमोरी तालुक्यातील सालमारा येथील एका इसमास वाघाने ठार केल्याची घटना उघडकीस आली.सदर घटना ही दिं.29 ऑगस्ट 2022 रोजी सकाळी 8.00 वाजताच्या सुमारास सरपण गोळा करण्यास जोगी साखरा जवळील शंकरनगर नाल्यालगत कक्ष क्र.47 च्या राखीव जंगलात आपल्या दोन सहकार्यासोबत गेले असता सरपण गोळा करत असतांना अचानक वाघाने हल्ला करून ठार केले.मृतकाचे नाव बळीराम शीवराम कोलते वय (47) वर्ष असुन रा. सालमारा तालुका आरमोरी असे आहे.
सदर घटनेची माहिती सोबत असलेल्या सहकार्यानी गावकर्यांना दिली व ग्रामस्थांनी घटनेची माहिती वन विभागाला दिली.माहीती मिळताच वनविभागाचे कर्मचारी घटनास्थळी दाखल झाले व मौका पंचनामा केला.
परिसरात वांरवार होत असलेल्या वाघाच्या हल्ल्यामुळे वाघाचा बंदोबस्त करण्याची मागणी सतत होत आहे.
