आशाताई बच्छाव
शेतात काम करतांना सर्पदंशाने ६० वर्षीय शेतकऱ्यांचा मृत्यु
युवा मराठा वेब न्यूज पोर्टल प्रतिनिधी रविंद्र शिरस्कार,संग्रामपूर
संग्रामपूर तालुक्यातील तामगाव येथील ६० वर्षीय अल्पभूधारक शेतकरी शेतात काम करत असताना त्यांना सर्पदंश झाल्याने त्यांचा मृत्यू झाल्याची घटना २५ ऑगस्ट रोजी सकाळी १० वाजताच्या दरम्यान घडली.
गावातील दिवाकर मनोहर घिवे यांना त्यांच्या शेतातच विषारी जातीच्या सापाने चावा घेतल्याने ते घरी आले. प्रथम खासगी दवाखान्यात उपचार करून त्यांना शेगाव येथील रुग्णालयात उपचारासाठी नेले. तेथे डॉक्टरांनी उपचारादरम्यान मृत घोषित केले.
शवविच्छेदन करून प्रेत नातेवाईकांच्या ताब्यात दिले. त्यांच्या पश्चात पत्नी, एक विवाहित मुलगी व एक मुलगा, नातवंड असा आप्त परिवार आहे.
त्यांच्या कुटुंबीयांना आर्थिक मदत मिळावी, अशी मागणी तामगावातील अनिल घिवे, चेतन घिवे, कैलास कडाळे यांच्यासह ग्रामस्थांनी केली आहे.
