आशाताई बच्छाव
कविता:बैलपोळा
बैलपोळा सण हा गावचा
शेतकऱ्यांच्या आनंदाचे रूप
पुरणपोळीचा घास ओठी
गोडधोड खातो खूप
कृतज्ञता व्यक्त करतो
आम्ही आमच्या बैलाची
बैल आमचा सफर करतो
आयुष्यभर लाखो मैलाची
बैलांच्या कष्टानेच शेतकरी करतो
नांगरणी असो अथवा पेरणी
म्हणूनच नतमस्तक होतो
शेतकरी दादा बैलांच्या चरणी
अंघोळ घालून बैलांची
त्यावर चढवतो आम्ही झूल
पुरणपोळी करण्यासाठी
आई मांडते अंगणात चूल
मुक्या प्राण्यांनाही जीव असतो
हीच भावना मनोमनी बसते
पोळा म्हणजे गाव खेड्यात
जणू जत्राच बैलांची असते
बैलपोळा सण म्हणजे
आमच्या आनंदाची भरती
शब्दात मांडतो मी आज
आमच्या संस्कृतीची कीर्ती
©® गणेश रामदास निकम
चाळीसगाव गणेशपूर
मो.न७०५७९०४६७७
९८३४३६१३६४
२६/८/२०२२