आशाताई बच्छाव
काँग्रेस नेते सुरेश थोरात यांच्या विरोधात पिस्तूलाचा धाक दाखवून धमकी दिल्याचा गुन्हा अहमदनगर,(ब्युरो टिम युवा मराठा न्युज नेटवर्क)
काँग्रेस नेते सुरेश थोरात यांच्या विरोधात पिस्तूलाचा धाक दाखवून धमकी दिल्याचा गुन्हा संगमनेर तालुका पोलीस ठाण्यात दाखल करण्यात आला आहे. तर फिर्यादीच्या पत्रकार असलेल्या भावाने बाळासाहेब थोरात यांच्या विरोधात सोशल मीडियात केलेल्या आक्षेपार्ह पोस्ट विरोधात सुरेश थोरात यांसह ग्रामस्थांनी पोलिसांना निवेदन दिल्यानंतर हा गुन्हा दाखल झाल्याने घटनेतील सत्य मात्र पोलीस तपासात पुढे येईल.
दोन दिवसांपूर्वी स्वानंद चत्तर नावाच्या स्थानिक वर्तमानपत्रात काम करणाऱ्या पत्रकाराने माजी महसूलमंत्री बाळासाहेब थोरात यांच्या विरोधात पोस्ट केल्यावर शुक्रवारी रात्रीच्या सुमारास सुरेश थोरात यासह 60 जणांनी घरी येत आम्हाला धमकी दिल्याची फिर्याद पत्रकार स्वानंद चत्तर याचा भाऊ विवेक चत्तर याने दिली. हातात कुऱ्हाडी घेऊन व डोक्याला बंदूक लावत आम्हाला धमकी दिली असून, मी बाहेर असताना हा प्रकार सुरू असल्याने मी घरी आल्यावर हे सगळं घडलं अशी फिर्याद विवेक चत्तर यांनी संगमनेर तालुका पोलीस ठाण्यात दिली आहे.