आशाताई बच्छाव
20 ऑगस्ट रोजी काँग्रेसचे खासदार आमदार यांच्या कार्यालया समोर घंटानाद आंदोलन
गडचिरोली,(सुरज गुंडमवार ब्युरो चीफ युवा मराठा न्युज नेटवर्क):// जिल्ह्यात अतिवृष्टी झाल्याने सतत पूरपरिस्थिती निर्माण होत आहे व मेद्दीगड्डा व गोसेखुर्द येतून होणाऱ्या पाण्याच्या विसर्गा मूळे पूरपरिस्थिती तयार झाली आहे त्यामुळे जिल्ह्यातील शेतकऱ्यांवर दुबार – तीबार पेरणीच संकट आली. त्यामुळे शेतकऱ्यांवर मोठे आर्थिक नुकसान झाले. जिल्ह्यातील शेतकऱ्याने आत्महत्या करण्यास सुरुवात केली तरी अश्या परिस्थिती असतांना सुद्धा जिल्ह्यातील लोकप्रतिनिधी आमदार, खासदार राज्य शासनाना कडून जिल्ह्यातील शेतकऱ्यांना अजुनी आर्थिक मदत करण्यासाठी आवाज उठवला नाही यावरून जिल्ह्यातील आमदार ,खासदार लोकप्रतिनिधी निद्रा अवस्थेत आहेत की काय हा प्रश्नचिन्ह निर्माण होत आहे? जिल्ह्याचे माजी पालकमंत्री आणि राज्याचे सन्मानीय मुख्यमंत्री व उपमुख्यमंत्री जिल्हा दौऱ्यावर येऊन गेले परंतु जिल्ह्यातील नुकसानग्रस्त शेतकऱ्यांना अद्याप कुठलीही भरीव निधीची मदत करण्यात आलेली नाही, अश्या निद्रा अवस्थेत असलेल्या सरकारला व स्थानिक आमदार खासदारांना जागे करण्या साठी व जिल्ह्यात ओला दुष्काळ जाहीर करण्याच्या मागणी करिता जिल्हा काँग्रेस च्या वतीने 20 ऑगस्ट 2022 रोजी दुपारी 1.00 वाजता घंटानाद आंदोलन करण्यात येणार आहे. तरी जिल्ह्यातील काँग्रेस नेते, पदाधिकारी सर्व सेल अध्यक्ष, काँग्रेस कार्यकर्ते आणि मोठ्या संख्येने शेतकरी बांधवाणी उपस्थित रहावे असे आवाहन जिल्हाध्यक्ष महेंद्र ब्राम्हणवाडे यांनी केले आहे.
