आशाताई बच्छाव
फुणगूस येथे झळकले मंत्री उदय सामंत यांच्या अभिनंदनाचे फलक रत्नागिरी,(सुनील धावडे ब्युरो चीफ युवा मराठा न्युज नेटवर्क)
राजकारणात कोणीही कोणाचाही कायमचा शत्रू किंवा कायमचा मित्र नसतो ही गोष्ट सर्वश्रुत आहे. पण आज संगमेश्वर तालुक्यातील खाडीपट्ट्यातील फुणगूस येथे नागरिकांना अनुभवता आले.
संगमेश्वर-रत्नागिरी विधानसभेचे आमदार श्री. उदय सामंत यांनी मंत्रीपदाची शपथ घेतली आणि मागील अडीच वर्षे त्यांचे विरोधक म्हणून काम करणारे संगमेश्वर तालुका भाजप उपाध्यक्ष, युवा नेते मिथुन निकम आणि त्यांच्या सहकाऱ्यांनी सामंत यांचे अभिनंदन करणारा फलक फुणगूस येथे लावला आहे.
युती म्हणुन आम्हीही उदय सामंत यांचा प्रचार केला होता. मात्र त्यांनी पक्षाचा आदेश मानून भारतीय जनता पक्षाच्या विरोधात जाण्याची भूमिका घेतली. यामुळे आम्हीही आमच्या पक्षाची बाजू मांडून आमच्या नेतृत्वाला साथ दिली. आता सामंत साहेब शिवसेनेच्या मुख्य गटासोबत आहेत, आणि हा गट आमच्यासोबत आहे. त्यामुळे आम्ही सामंत साहेबांचे सहकारी आहोत आणि त्यांचे अभिनंदन करणे हे आमचे कर्तव्य आहे. अशी प्रतिक्रिया मिथुन निकम यांनी यावेळी दिली.
