आशाताई बच्छाव
वनौशी पंचनदी येथील ग्रामस्थांनी घेतली आ. योगेश कदम यांची भेट रत्नागिरी,(सुनील धावडे ब्युरो चीफ युवा मराठा न्युज नेटवर्क)
दापोली मतदार संघाचे आमदार योगेश कदम यांची वणोशी पंचनदी, भरणेवाडी धातोंडी येथील ग्रामस्थांनी एकत्र भेट घेऊन ७ ऑगस्ट रोजी विकासकामाचे निवेदन दिले. यावेळी माजी सभापती श्री दीपक घडशे, शाखाप्रमुख श्री.प्रभाकर राणे, उपसरपंच श्री.अमित नाचरे, गजानन मित्र मंडळाचे अध्यक्ष श्री.जगनाथ कडू, श्री सत्यवान घडशे, श्री.अनंत कडू आदी मंडळाचे सदस्य उपस्थित होते.
यावेळी आमदार योगेश कदम यांनी, माझ्याकडे माझ्या दापोली मतदार संघातील कोणत्याही गावातील ग्रामस्थ विकास कामासाठी आले तर त्यांना मी कधीही नाराज करणार नसून मी विकासकामे करण्यात कुठेही कमी पडणार नाही. फक्त तुमची साथ आणि तुमचा विश्वास महत्वाचा आहे असे सांगत मतदार संघाचा विकासात्मक भूतो न भविष्यती असा कायापालट करण्याचा मानस त्यांनी यावेळी बोलून दाखविला.