आशाताई बच्छाव
गणपतीपुळे येथे स्वच्छता अभियान
रत्नागिरी,(सुनील धावडे ब्युरो चीफ युवा मराठा न्युज नेटवर्क) तालुक्यातील श्रीक्षेत्र गणपतीपुळे येथे आजादी का अमृत महोत्सव अंतर्गत ग्रामपंचायत गणपतीपुळे, पर्यटक निवास गणपतीपुळे, संस्थान श्रीदेव गणपतीपुळे पर्यटन व्यवसायिक संघटना, बचत गट लंबोदर महिला ग्राम संघ, रिक्षा चालक मालक संघटना, ग्रामस्थ व संघटना यांचेतर्फे संपूर्ण गणपतीपुळे गावामध्ये ग्रामस्वच्छता अभियान राबविण्यात आले. त्यामध्ये आपटा तिठा ते बस स्थानक, सूर्वे स्टॉप ते प्राचीन कोकण, कोल्हटकर तीठा ते शासकीय विश्रामगृह, आपटा तिठा ते मोरया चौक तसेच मोरया चौक ते रानडे रोड या रस्त्याची साफसफाई करण्यात आली.
या सर्व ठिकाणचा जमलेला कचरा प्लास्टिक तसेच टाकाऊ पदार्थ व वस्तू ग्रामपंचायतीच्या घंटागाडी गाडीने उचलण्यात आले. त्यांची योग्य ठिकाणी त्याची विल्हेवाट लावण्यात आली. या ग्रामस्वच्छता अभियानासाठी सरपंच कल्पना पकये, उपसरपंच महेश केदार, ग्रामसेवक प्रवीण चौधरी, ग्रामपंचायत सदस्य संजय माने, शुभांगी ठावरे, सारिका भिडे, मृणाल घनवटकर, पर्यटन व्यवसाय संघटनेचे अध्यक्ष प्रमोद केळकर, पर्यटक निवास गणपतीपुळे सहाय्यक व्यवस्थापक रुपेश करंडे तसेच ग्रामपंचायत कर्मचारी, पर्यटक निवास गणपतीपुळे कर्मचारी, संस्थान श्रीदेव गणपतीपुळे कर्मचारी, ग्रामस्थ आदींनी विशेष मेहनत घेतली.
