आशाताई बच्छाव
मयेकर महाविद्यालयातील विद्यार्थ्यांचे प्राथमिक आरोग्य केंद्रात स्वच्छता अभियान रत्नागिरी,(सुनील धावडे ब्युरो चीफ युवा मराठा न्युज नेटवर्क)
मोहिनी मुरारी मयेकर कला व वाणिज्य महाविद्यालय चाफे मधील ‘राष्ट्रीय सेवा योजना विभागा’ तर्फे देशाच्या स्वातंत्र अमृत महोत्सवाचे औचित्य साधून परिसरातील प्राथमिक आरोग्य केंद्रात स्वच्छता अभियान उपक्रम राबवला.
महाविद्यालयाचे प्र. प्राचार्या स्नेहा पालये आणि कार्यक्रम अधिकारी प्रा. अवनी नागले यांच्या मार्गदर्शनाखाली परिसरातील मालगुंड प्राथमिक आरोग्य केंद्र व वरवडे प्राथमिक आरोग्य उपकेंद्र येथे ३० विद्यार्थ्यांनी स्वच्छता केली. या कामगिरीबद्दल परिसरातील ग्रामस्थांनी विद्यार्थ्यांचे कौतुक केले.
या कार्यक्रमाला संस्थेचे अध्यक्ष सुनिल मयेकर, सचिव रोहित मयेकर, संचालक श्री. सुरेंद्र माचिवले यांनी शुभेच्छा दिल्या.