आशाताई बच्छाव
9 महिन्यांची गर्भवती, तरीही हरिका द्रोणावल्लीने बुद्धिबळ स्पर्धेत जिंकल कांस्य पदक चेन्नई,(युवा मराठा न्युज नेटवर्क)
बुद्धिबळ ऑलिम्पियाड 2022 स्पर्धेत भारताच्या महिलांनी कांस्य पदक मिळवलं. दरम्यान यावेळी संघातील खेळाडूंमध्ये ग्रँडमास्टर हरिका द्रोणावल्ली ही देखील होती. नऊ महिन्यांची गर्भवली असताना हरिकाने संघासाठी खेळत भारताला पदक मिळवून देण्यात मोलाची कामगिरी केली.
बुद्धिबळ ऑलिम्पियाड स्पर्धा यंदा भारताच्या चेन्नई शहरात खेळवली गेली. या स्पर्धेत ऐतिहासिक कामगिरी करत भारताच्या महिला गटाने कांस्य पदकाला गवसणी घातली. भारतीय संघातून कोनेरू हंपी, हरिका द्रोणवल्ली, तानिया सचदेव, आर वैशाली आणि भक्ती कुलकर्णी यांनी मिळून ही कामगिरी करुन दाखवली. यातील हरिका ही गर्भवती असतानाही तिने अशा स्थितीतही खेळत एक प्रेरणादायी उदाहरण सर्वांसमोर ठेवलं आहे.
विजयानंतर तिने प्रतिक्रिया देताना म्हटलं, ”मी वयाच्या 13 व्या वर्षी भारतीय महिला बुद्धिबळ संघात पदार्पण करून आतापर्यंत खेळत आहे. 18 वर्षे झाली आहेत आणि आतापर्यंत 9 ऑलिम्पियाड खेळल्यानंतर भारतीय महिला संघासाठी पदक घेण्यासाठी पोडियमवर येणं माझं स्वप्न होतं. जे आता शेवटी यावेळी पूर्ण झाले आहे. त्यात मी 9 महिन्यांची गर्भवती असताना हे स्वप्न साकार झाल्याने हे अधिक भावनिक आहे. जेव्हा मी भारतात ऑलिम्पियाड आयोजित केल्याबद्दल ऐकले आणि तेव्हा माझ्या डॉक्टरांशी खेळण्याबाबत सल्ला घेतला. तेव्हा त्यांनी तू योग्य काळजी घेऊन तणाव न घेता तू खेळ खेळू शकतेस सांगितले. त्यामुळे माझा संपूर्ण वेळ हा सराव आणि सामन्यात गेल्याने कोणतीच पार्टी, बेबी शॉवर तसंच सेलिब्रेशन करता आलं नाही. पण मी ठरवलं की पदक जिंकल्यावरच मी सेलिब्रेशन करेन आणि अखेर मी हे करुन दाखवलं. भारतीय महिला बुद्धिबळ संघासाठी पहिले ऑलिम्पियाड पदक जिंकून दिले आहे” असे ती यावेळी म्हणाली.