आशाताई बच्छाव
आंबेड बुद्रुक शाळा 2 कानरकोंड येथे हर घर तिरंगा रॅली रत्नागिरी,(सुनील धावडे ब्युरो चीफ युवा मराठा न्युज नेटवर्क)
संगमेश्वर तालुक्यातील आंबेड बुद्रुक शाळा 2 कानरकोंड येथे हर घर तिरंगा रॅलीचे आयोजन करण्यात आले होते. स्वातंत्र्याचा अमृत महोत्सव साजरा करताना हर घर तिरंगा या अभियानातून जनजागृती व्हावी, घराघरात तिरंगा फडकवला जावा, यासाठी जि.प.आदर्श शाळा आंबेड बु. नं. २ कानरकोंड या शाळेतील विद्यार्थ्यांनी पथनाट्याद्वारे जनजागृती केली. यातून ध्वज संहिता, आपली जबाबदारी, फडकविण्याची पद्धत याची माहिती पथनाट्यातून गावकर्यांना करून दिली.विविध घोषणा देशभक्ती गीत, संवाद, पोस्टर मधून हर घर तिरंगा या अभियानांची माहिती देण्यात आली.
याप्रसंगी शाळा व्यवस्थापन समिती अध्यक्षा सौ.नयना कानर , श्री.सुभाष कानर, राजेश कानर श्री.जनार्दन सुर्वे, श्री.दत्ताराम कानर, सौ.दिया शिगवण, दिलीप शिगवण, पालकवर्ग यांनी या उपक्रमाचे कौतुक केले. यासाठी शाळेचे मूख्याध्यापक श्री. केळकर श्री.पाचकले श्री.शिंदे, श्री.बावस्कर यांनी मेहनत घेतली.