आशाताई बच्छाव
शासकीय कर्मचाऱ्यांना जिल्हाधिकाऱ्यांमार्फत सुट्ट्या जाहीर गोपाळकाला, गौरी विसर्जन, अनंत चतुर्दशीला सुट्टी रत्नागिरी,(सुनील धावडे ब्युरो चीफ युवा मराठा न्युज नेटवर्क)
जिल्हाधिकारी रत्नागिरी यांनी शासकीय कार्यालयीन कर्मचाऱ्यांसाठी 30 अतिरिक्त सुट्ट्या जाहीर केल्या आहेत. जिल्ह्यातील महसूल हद्दीमध्ये शासनाच्या सर्व खात्यांमधील कार्यालयांसाठी शासनाने जाहीर केलेल्या सार्वजनिक सुट्यांव्यतिरिक्त जादा तीन सार्वजनिक सुट्या जाहीर करण्याचे अधिकार जिल्हाधिकाऱ्यांना प्राप्त आहेत . त्यानुसार जिल्ह्यात २०२२ मध्ये आणखी तीन सुट्या जिल्हाधिकाऱ्यांनी जाहीर केल्या आहेत.
शासन ठराव राजनैतिक व सेवा विभागाकडील प्राप्त अधिकारानुसार जिल्हाधिकाऱ्यांनी या सुट्या जाहीर केल्या आहेत. त्या अधिकाराचा वापर करून जिल्हाधिकारी डॉ. बी. एन. पाटील यांनी २०२२ या वर्षासाठी रत्नागिरी जिल्हा महसूल हद्दीसाठी शुक्रवारी १९ ऑगस्टला गोपाळकाला, सोमवारी ५ सप्टेंबरला गौरी विसर्जन आणि शुक्रवारी ९ सप्टेंबरला अनंत चतुर्दशी हे दिवस स्थानिक सुट्याचे दिवस म्हणून जाहीर केले आहेत.
