आशाताई बच्छाव
सरपंच विठ्ठल सावंत यांच्या हस्ते पाली येथे कुस्ती सराव केंद्राचे उदघाटन
रत्नागिरी,(सुनील धावडे ब्युरो चीफ युवा मराठा न्युज नेटवर्क)-तालुक्यातील पाली येथे कुस्ती सराव केंद्राचे उदघाटन सरपंच विठ्ठल सावंत यांच्या हस्ते करण्यात आले. कुस्ती सराव केंद्राचा फायदा पाली आणि नजीकच्या गावातील कुस्तीपटूना होणार आहे. पाली ग्रामपंचायत इमारतीमधील हॉल मध्ये कुस्ती सराव केंद्र सुरू करण्यात आले आहे.
उद्घाटनाला कुस्ती असोसिएशनचे अध्यक्ष श्रीकृष्ण उर्फ भाई विलणकर, कार्याध्यक्ष डाॅ.चंद्रशेखर केळकर, प्रमुख कार्यवाह सदानंद जोशी, उपसरपंच संतोष धाडवे, सदस्य व माजी सरपंच संदीप गराटे, अतुल सावंत, शांताराम काजरेकर, स्वप्निल घडशी, विक्रांत माईन, अतुल गराटे, साहिल खटकुल, भावेश सावंत आदी उपस्थित होते. उद्योजक अण्णा सामंत, माजी जि.प सदस्य रामभाऊ गराटे, ग्रामसेवक गजानन देवजी बडद यांनी सराव केंद्राच्या उद्घाटन कार्यक्रमाला व कुस्तीपटूंना त्यांच्या वाटचालीसाठी शुभेच्छा दिल्या.
