आशाताई बच्छाव
वरवडे विद्यालयात शालेय आरोग्य तपासणी शिबीर संपन्न रत्नागिरी,(सुनील धावडे ब्युरो चीफ युवा मराठा न्युज नेटवर्क)
रत्नागिरी जिल्हा आरोग्य विभाग विभागामार्फत वरवडे विद्यालयात विद्यार्थ्यांची आरोग्य तपासणी करण्यात आली. या शिबिरामध्ये त्वचा नाक ‘काम, घसा, डोळे, शारीरिक व वैयक्तिक आरोग्य तपासणी करून स्वच्छतेचे महत्व, चांगल्या सवयी याविषयी मार्गदर्शन करण्यात आले.
वजनानुसार उंचीचीही नोंद घेण्यात आली. स्वच्छतेच्या चांगल्या सवयी अंगी बांधण्यास विद्यार्थ्यांना प्रोत्साहित करण्यात आले. तपासणीमध्ये ज्या विद्यार्थ्यांना ताप, सर्दी, खोकला, त्वचेचे विकार आढळले, अशा विद्यार्थ्यांसाठी औषधोपचार गोळ्या देण्यात आल्या. काही विद्यार्थ्यांना डोळ्यांच्या डॉक्टरांकडे तपासणीसाठी जिल्हा प्राथमिक आरोग्य केंद्रामध्ये उपचार घेण्याबाबत मार्गदर्शन करण्यात आले. आरोग्य तपासणीसाठी रत्नागिरी जिल्ह्याचे डॉ. श्री.बोले व सौ . बोले यांचे बहुमोल सहकार्य व मार्गदर्शन लाभले.
