आशाताई बच्छाव
भागशाळा वाटद खंडाळा प्रशालेत लोकमान्य टिळक पुण्यतिथी व लोकशाहीर अण्णाभाऊ साठे जयंती साजरी रत्नागिरी,(सुनील धावडे ब्युरो चीफ युवा मराठा न्युज नेटवर्क)
मा.वि.वरवडे भागशाळा वाटद खंडाळा व श्रीमती पा.शं. बापट कनिष्ठ महाविद्यालयात लोकमान्य टिळक पुण्यतिथी व लोकशाहीर अण्णाभाऊ साठे यांची जयंती संयुक्त कार्यक्रम उत्साहात संपन्न करण्यात आला.
सर्व प्रथम प्रशालेचे नवनिर्वाचित मुख्याध्यापक श्री. देशमुख संस्थाचालक श्री लंबे श्री जगताप श्री.पाटील , श्री.सरगर सौ.खानविलकर यांच्या हस्ते प्रतिमेला पुष्पहार अर्पण करण्यात आले. सदर कार्यक्रमाप्रसंगी विद्यालयातील अनेक विद्यार्थ्यांनी लोकमान्य टिळक व अण्णाभाऊ साठे यांच्या जीवनकार्याविषयी अनेक विचार आपल्या गाण्यातून व मनोगतातून व्यक्त केले. तसेच शिक्षकांमधून श्री.सरगर यांनी आपले विचार मांडले.
इयत्ता ११ वी च्या विद्यार्थ्यांचे स्वागत करण्यात आले.तसेच सन २०२१-२२ च्या इयत्ता १० वी ब,क च्या विद्यार्थ्यांकडून शाळेसाठी वस्तूरूपात दिलेली मदत यावेळी मुख्याध्यापकांकडे सुपूर्द करण्यात आली. या कार्यक्रमात ज्येष्ठ शिक्षक श्री पोतदार यांना वाढदिवसानिमित्त सर्वांनी शुभेच्छा दिल्या. नवनिर्वाचित मुख्याध्यापक श्री.देशमुख व संस्थाचालक श्री.लंबे यांनी लोकमान्य टिळक व अण्णाभाऊ साठे यांच्या जीवनकार्यावर प्रकाश टाकला.
या सर्व कार्यक्रमास श्री. धोपट व श्री.सतिश मोहित यांनी संगीत साथ दिली.सदर कार्यक्रमाचे सूत्रसंचालन सांस्कृतिक विभाग प्रमुख श्री. एस.के.जाधव यांनी केले. याप्रसंगी सर्व शिक्षक, शिक्षकेतर कर्मचारी उपस्थित होते.
