आशाताई बच्छाव
माहिती अधिकार कार्यकर्ता महासंघ कार्याध्यक्ष आशिष शेळके यांच्या प्रयत्नांना, बातम्यांना व सततच्या पाठपुराव्याला यश.
▪️बाळासाहेब ठाकरे चौक ते हबीब काॅलीनी पर्यंतच्या रस्त्याला होणार लवकरच सुरुवात ; नालीचे काम सुरू
नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
किनवट : शहरातील गोकुंदा येथील बाळासाहेब ठाकरे चौक ते हबीब काॅलीनी पर्यंतच्या रस्त्याची दुर्दशा आणि त्याच रस्त्यावरील देवस्थान एकवीरा मंदिर व कोचिंग क्लासेस समोर जो पाण्याचा ढव साचत होता, या बद्दल च्या बातम्या माहिती अधिकार कार्यकर्ता महासंघ कार्याध्यक्ष आशिष शेळके यांच्या लिखाणातुन विविध वृत्तपत्रांमध्ये सहा महिन्यांपासून सातत्याने प्रसिद्ध होत होत्या. शेवटी प्रशासकांनी या सर्व बातम्यांची नोंद घेऊन येथील कामास सुरुवात केली आहे.
सविस्तर वृत्त असे की, गोकुंदा येथील बाळासाहेब ठाकरे चौक ते हबीब काॅलीनी पर्यंतच्या रस्त्याची अत्यंत दयणीय अवस्था झालेली होती, नागरीकांना व विद्यार्थ्यांना त्या रस्त्यावरुन जाण्यासाठी गटारीच्या घाण पाण्यातुन व खड्यातुन जावं लागतं होते, या बाबतच्या पुष्कळ बातम्या सहा महिन्यांपासून माहिती अधिकार कार्यकर्ता महासंघ कार्याध्यक्ष आशिष शेळके यांच्या लिखाणातुन विविध वृत्तपत्रांमध्ये प्रसिद्ध करण्यात येत होत्या, तसेच ते गोकुंदा ग्रामपंचायत ग्रामसेवक आणि गोकुंदा व किनवट बांधकाम विभाग येथील अभियंता यांना सतत सहा महिन्यांपासून या रस्ता व नाली बद्दल पाठपुरावा करत होते, या सर्वांची नोंद घेऊन शेवटी सहा महिन्यांनंतर, बाळासाहेब ठाकरे चौक ते हबीब काॅलीनी पर्यंतच्या सिमेंट चा पक्का रस्ता व एकवीरा देवी मंदिर च्या बाजुने पक्की नाली मंजूर झाली आहे. आणि नालीच्या कामास देखील सुरुवात झाली आहे व रस्त्याचे काम देखील लवकरात लवकर सुरू करण्यात येणार आहे.
सदरील भागात अनेक कोचिंग क्लासेस असुन या क्लासेस साठी येणारे लहाण मुले अनेक वेळा या खड्ड्यात पडून त्यांना दुखापत झाली होती. तसेच वृद्ध महिला-पुरुष, वाहनधारक, पादचारी यांना या रस्त्याने चालने ही मुश्कील झाले होते. सदरील समस्या लक्षात घेऊन माहिती अधिकार कार्यकर्ता महासंघ कार्याध्यक्ष आशिष शेळके यांनी आपल्या लेखणीच्या माध्यमातून आवाज उचलला हे विशेष.
