आशाताई बच्छाव
कोल्हापूर,( राहुल शिंदे ब्युरो चीफ युवा मराठा न्युज नेटवर्क): ता.हातकणंगले येथील शामराव पाटील शिक्षण समुह विद्यालयात भटका समाज मुक्ती आंदोलन या सामजिक संघटनेच्या वतीने विमुक्त जाती भटक्या जमाती प्रवर्गातील व इतर घटकातील वंचीत गरजु ७१ कुटूंबाना अन्नधान्य वितरण अधिकारी संजय पुजारी व भटका समाज मुक्ती आंदोलन संघटनेचे संस्थापक अध्यक्ष भिमराव साठे यांच्या हस्ते शिधापत्रिका वितरण कार्यक्रम संपन्न झाला.
यामध्ये हातकणंगले तालुक्यातील तळसंदे, पारगाव,टोप,नागाव, पुलाची शिरोली व पेठवडगाव येथील वंचीत कुटूंबियांचा समावेश होता.
स्वागत विश्वजित साठे यांनी करत प्रास्ताविकातुन संघटनेच्या सामाजिक कार्याचा आढावा घेतला.
भटका समाज मुक्ती आंदोलन संघटना व सहा.आयुक्त समाजकल्याण विभागाच्या प्रयत्नातुन जिल्हाधिकारी कोल्हापुर यांनी दिलेल्या निर्देशानुसार हातकणंगले तहसीलदार कार्यालयाकडून कर्तव्यदक्षपणाने पुर्तता करून गोरगरीबाना न्याय दिल्याबद्दल संघटनेचे अध्यक्ष भिमराव साठे यानी प्रशासनाचे विशेष आभार व्यक्त केले.
यावेळी बेबीताई गोसावी,सुजाता काळोखे,रेखा गोसावी, सोनम वडर,मंगल मोरे, कमल वायदंडे,संजय चव्हाण,सीता साळोखे, भारती चव्हाण,शालन चव्हाण,रंजना हाके, सारीका माळवी,सविता गोसावी,अनिल पोवार, निवास पोवार,अजय जाधव,विकास चौगुले, बाळासो पोवार,उषा मोरे, आक्काताई इंगळे आदी वंचीत समाज बांधवांची उपस्थिती होती. सुत्रसंचलन काजल इंगळे यांनी केले तर विकास शिंदे यानी आभार मानले.