आशाताई बच्छाव
कोल्हापूर,( राहुल शिंदे ब्युरो चीफ युवा मराठा न्युज नेटवर्क):कोल्हापूर मधील उच्चशिक्षित डॉक्टर तरुणीने भूलीच्या इंजेक्शनचा अतिरिक्त मात्रा घेऊन आत्महत्या केली.अपूर्वा प्रवीणचंद्र हेंद्रे (वय 30 राहणार ताराबाई पार्क) असे मृत तरुणीचे नाव आहे या घटनेची नोंद शाहूपुरी पोलीस ठाण्यात झाली रविवारी सकाळी सहा वाजण्याच्या सुमारास ही घटना उघडकीस आली.याबाबत अधिक माहिती अशी की सुप्रसिद्ध डॉक्टर प्रवीणचंद्र हेंद्रे यांची मुलगी अपूर्वा या एम एस चे शिक्षण घेऊन सध्या डी वाय पाटील महाविद्यालय मध्ये लेक्चरर म्हणून कार्यरत होत्या शनिवारी रात्री त्यांच्या मित्रांची पार्टी होती पार्टी आटोपून एक वाजण्याच्या सुमारास त्या घरी परत आल्या रात्री दोन वाजण्याच्या सुमारास कोणाला काहीही न सांगता घराच्या बाहेर पडल्या सकाळी सहा वाजण्याच्या सुमारास ताराबाई पार्क येथील डी मार्ट च्या समोर एक तरुणी बेशुद्ध अवस्थेत आढळून आली.तेथील नागरिकांनी शाहूपुरी पोलीस स्टेशन यांना घटनेची माहिती दिली.याच दरम्यान डॉक्टर प्रविणचंद्र हेंद्रे हे मुलगी बेपत्ताझाल्याची तक्रार नोंदविण्यासाठी शाहूपुरी पोलिस ठाण्यात गेले होते पोलीस ठाण्याचे पोलिस उपनिरीक्षक श्रीकांत इंगवले हे पथकास समवेत डॉक्टर केंद्रे यांना घेऊन घटनास्थळी दाखल झाले त्यांनी सदरची तरुणी अपूर्वा असल्याचे सांगितले.पोलिसांनी तात्काळ तिला उपचारासाठी सीपीआर रुग्णालयात दाखल केले.मात्र उपचारापूर्वीच तिचा मृत्यू झाला होता.त्या तरुणीच्या पश्चात आई-वडील भाऊ असा परिवार आहे.