राजेंद्र पाटील राऊत
युवा मराठा न्युजचा दणका
व-हाणेतील सट्टा अड्डा बंद
(राजेंद्र पाटील राऊत युवा मराठा न्युज नेटवर्क)
मालेगांव-परवा बुधवारी व-हाणे ता.मालेगांव येथील कै.तुकाराम भाऊ पवार नगरात सुरु असलेल्या सट्टा मटका जुगार अड्डयाची बातमी युवा मराठा न्युज आँनलाईनवर प्रसारीत होताच सदरचा जुगार अड्डा काल गुरुवार दि.७ पासून तडकाफडकी बंद करण्यात आल्याची माहिती व-हाणे विविध कार्यकारी सेवा सोसायटीचे माजी चेअरमन राजेंद्र तुकाराम पवार यांनी युवा मराठा न्युजला दिली.
गावातील युवा वर्गाचे होणारे संभाव्य नुकसान व भावी पिढी वाममार्गाला जाण्याची शक्यता गृहीत धरुन हा सट्टा मटका अड्डा बंद करण्याची सक्त ताकीद सट्टा माफीयाला नागरिकांच्या उपस्थितीत देऊन हा अड्डा कालपासून बंद केल्याचे पवार यांनी सांगतानाच,युवा मराठाच्या बातमीचे अभिनंदन केले व निर्भिड पत्रकारितेचा दमदार आवाज म्हणजे खरोखरच युवा मराठा असल्याच्या प्रतिक्रिया अनेकांनी व्यक्त केल्या आहेत.