आशाताई बच्छाव
सोयाबीन बियाणे पेरले पण उगवलेच नाही ; शेतक-यांना आर्थिक फटका
बोगस बियाणे बाजारात विक्री करणाऱ्या कंपन्यावर कार्यवाही करा.
भाजपा शहराध्यक्ष चौव्हाण यांची तहसीलदार, कृषीधिकारी यांच्याकडे तक्रार.
नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
मुखेड तालुक्यात खरीप हंगाम 2021- 22 या सालासाठी शेतक-यांनी सोयाबीन बियाणे पेरणी केली पण पेरलेले बोगस बियाने उगवलेच नसल्याने शेतकरी राजाला आर्थिक फटका बसला आहे त्यामुळे बोगस सोयाबीनचे बियाणे बाजारात विक्री करणाऱ्या कंपण्यावर कार्यवाही करण्याची मागणी भाजपा शहराध्यक्ष किशोरसिंह चौव्हान यांनी तहसिलदार व कृषि अधिकारी मुखेड यांच्याकडे दि.01 जुलै 2022 रोजी निवेदनाद्वारे केली आहे.
कृषि केंद्रामध्ये ईगल सिडस, वरदान सिडस, ग्रिन गोल्ड औरंगाबाद, ग्रिन गोल्ड इंदोर, सारस सिडस, 9305 ईगल, राधे सारस, समर्थ सिडस, यशोदा सिडस, बुस्टर सिडस, कुबेर,आरोही सिडस आदी कंपन्याचे हजारो बॅगाचे सोयाबिन बियाणे बोगस निघाले असुन यामुळे शेतक-याला मोठया प्रमाणात आर्थिक फटका बसला आहे. खरीप हंगामाची पेरणी केल्यानंतर 14 दिवस झाल्यानंतरही बियाणे उगवले नाहीत.यामुळे शेतकरी कृषि केंद्राकडे जाऊन तक्रारी करीत आहेत. पण कृषि दुकानदार शेतक-यांच्या तक्रारीची दखल घेत नाहीत, कृषि अधिका-यांनी सुध्दा याकडे दुर्लक्ष करीत आहेत त्यामुळे शेतकरी हतबल होत आहे संबंधीत विभागाचे अधिकारी व सिड कंपन्याच्या मिलीभगतमुळे शेतकरी देशोधडीला लागला असुन शेतक-याला न्याय मिळवून देण्यासाठी संबधित विभागाच्या वरिष्ठ अधिकाऱ्यांनी लक्ष देवून बोगस बियाणे बाजारात विक्री करणाऱ्या कंपनिवर कारवाई करावी अन्यथा तालुक्यातील शेतकरी रस्त्यावर उतरुन आंदोलन करतील यात काही अनुचित प्रकार घडल्यास संपुर्णपणे प्रशासन जबाबदार राहील. याची गांभीर्याने नोंद घ्यावी असे निवेदन किशोरसिंह चौहाण यांनी दिले. यावेळी युवा मोर्चा जिल्हा उपाध्यक्ष हनमंत पाटील नरोटे, भाजपाचे शहर सरचिटणीस विनोद दंडलवाड, सुधीर चव्हाण, राजू रणबीडकर, समीर गजगे, सचिन पवार, शिवराज सिंह ठाकूर, गणेश आंबेकर, चंद्रकांत सुवर्णकार, पंढरीनाथ कोंडेवाड, संभाजी बिराजदार आदीसह भाजपचे कार्यकर्ते उपस्थित होते
