आशाताई बच्छाव
अनसिंग येथील ग्रामीण रुग्णालय वाऱ्यावर वाशिम,(रितेश गाडेकर प्रतिनिधी युवा मराठा न्युज नेटवर्)
अनसिंग येथील ग्रामीण रुग्णालयात वेळेच्या नंतरही डॉक्टर कर्मचारी नाही हजार, या ठिकाणी रुग्णांना आवश्यक सोयीसुविधा पुरेशा प्रमाणात नाहीत. या रुग्णालयातील डॉक्टर व कर्मचारी नेहमी गैरहजर असतात, अशा अनेक तक्रारी नागरिकांनी केल्या होत्या. दरम्यान, शहरातील नागरिक सुरज ठाकरे व बबलू जाधव सोमवारी या रुग्णालयात गेले होते. रुग्णालयातील बहुतांशी अधिकारी, कर्मचारी गैरहजर असल्याचे त्यांच्या निदर्शनास आले. डॉ.नाईक हे त्यांचा पुसद येतील स्वतः मालकीचा असलेल रुग्णालय चालवत असतात व ग्रामीण रुग्णालयात त्यांचं दुर्लक्ष असल्याचे पेशंटच्या बोलण्यावरून दिसून येत आहे. त्यांच्याकडे गेले की, एकही डॉक्टर हजर नाही आहेत असेच उत्तर कर्मचाऱ्यांकडून मिळते. सद्यस्थितीत हे ग्रामीण रुग्णालय आरोग्य यंत्रणेने रामभरोसे ठेवले आहे. ग्रामीण रुग्णालय सध्या समस्येचे आगार बनले आहे. सध्या पावसाळ्याचे दिवस सुरू झाले आहे. मात्र इथे विविध सोयीसुविधांचा अभाव आहे. त्यामुळे रुग्णांची प्रचंड हेळसांड होतेय.रुग्णालयाचे वैद्यकीय अधीक्षक डॉक्टर नाईक पूर्णवेळ हजर नसतात असे दिसून येत आहे.
