आशाताई बच्छाव
रामतीर्थ पोलीस ठाण्याच्या हद्दीतील कुंचेली फाट्या जवळ चोरट्यांनी १ लाख ६६ हजार रुपयांचे दागिने पळविले आज्ञात चोरट्याच्या विरोधात
गुन्ह्याची नोंद.
नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
खानापूर ता. देगलूर येथील रहिवासी असलेले एकाच कुटुंबातील महिला व पुरुष मंडळी नांदेड येथून वलीमाचा कार्यक्रम संपवून मध्यरात्री घराकडे परत येत असताना रामतीर्थ पोलीस ठाण्याच्या अंतर्गत असलेल्या कुंचेली फाट्या जवळ चोरट्यांनी सदरच्या कुटुंबाचा ऑटो आडवून त्यांच्या गळ्यातील सोन्याचे दागिने व चांदीच्या दागिन्यासह दोन ते तीन मोबाईल असा एकूण १ लाख ६६ हजार रुपयाचा मुद्देमाल पळविल्याची घटना दिनांक १९ जून २०२२ रोजीच्या मध्यरात्री कुंचेली फाट्यावर घडली असल्यामुळे सदरची घटना कळताच रामतीर्थ ठाण्याचे पोलीस तात्काळ घटनास्थळी रवाना झाले. पण तोपर्यंत चोरट्यांनी तेथून पलायन केले
देगलूर तालुक्यातील मौजे खानापूर येथील रहिवासी असलेल्या एकाच कुटूंबातील महिला व पुरुष मंडळी नांदेड येथे एका वलीमाच्या कार्यक्रमाला गेले होते ते घरा कडे परत येत असताना मॅजिक ऑटोला आडविले आणि दहशत निर्माण करीत धार धार चाकूचा धाक दाखवीत महिलाच्या अंगावर असलेले सोन्याच्या दागिन्या बरोबर चांदीचे ही दागिने पळविले आणि तीन मोबाईल सुद्धा आज्ञात चोरट्यानी घेऊन पलायन केले असल्याचे ठाण्याचे सपोनि विजय जाधव यांनी सांगितले यातील कुटुंब प्रमुख जमील खान अहमद खान पठाण रा. खानापूर ता. देगलूर यांनी रामतीर्थ पोलीस ठाण्यात तक्रार दिली. अज्ञात आरोपी चोरट्याच्या विरोधात गुन्ह्याची नोंद करण्यात आली असून पुढील तपास सहाय्यक पोलीस निरीक्षक विजय जाधव हे करीत आहेत.