आशाताई बच्छाव
प्राचार्य डॉ विवेक इनामदार यांच्या ‘पर्यावरण शास्त्र’ या ग्रंथाचे प्रकाशन संस्थेचे सचिव मा. व्यंकटराव पाटील गोजेगावकर यांच्या हस्ते संपन्न
मुक्रमाबाद/अप्पा वटंगिरे प्रतिनिधी युवा मराठा न्युज नेटवर्क
मुक्रमाबाद येथे राष्ट्र माता अहिल्याबाई होळकर यांच्या जयंतीनिमित्त दिनांक 30 मे रोजी स्वामी विवेकानंद महाविद्यालयात संस्थेचे सचिव मा. व्यंकटराव पाटील गोजेगावकर यांच्या हस्ते प्राचार्य डॉ विवेक इनामदार यांनी लिहिलेल्या ‘पर्यावरण शास्त्र’ या ग्रंथाचे प्रकाशन करण्यात आले.
या कार्यक्रमात बोलताना मा. व्यंकटराव पाटील गोजेगावकर यांनी ‘पर्यावरण शास्त्र’ हा ग्रंथ येणार्या नवीन पिढीला पर्यावरण जागृती निर्माण करण्यासाठी महत्त्वपूर्ण ठरणारा आहे असे मत व्यक्त केले.
या छोटेखानी कार्यक्रमात प्रमुख पाहुणे म्हणून डॉ मा.म. गायकवाड, डॉ विलास पवार ,प्रा.भारत भूषण बाळबुधे, डॉ भारत मुस्कावाड, श्री चंद्रकांत पाटील, श्री संतोष पाटील हे होते. तसेच या वेळी डॉ रमाकांत बिडवे, डॉ बालाजी खराबे, डॉ सूर्यकांत सकनुरे,डॉ एकनाथ भिंगोले, प्रा अंकुश शिंदे, रामदास मदळे ,प्रा रविन्द्र बावीस्कर,डॉ शेख गणी,डॉ काळे दिलीप, डॉ जितेंद्र काळे, श्री उमाकांत गायकवाड आदी महाविद्यालयातील शिक्षक व शिक्षकेतर सर्व कर्मचारी उपस्थित होते.
कार्यक्रमाचे सूत्रसंचालन डॉ मौलाना सय्यद तर या कार्यक्रमात प्रास्ताविक विचार डॉ विवेक इनामदार यांनी मांडले.या कार्यक्रमाला उपस्थित असलेल्या सर्वाचे आभार प्रा नारायण पांचाळ यांनी मानले.