आशाताई बच्छाव
गडचिरोलीतील प्रथम मेडिकल कॉलेज तातडीने मंजूर करा
आमदार डॉ.देवरावजी होळी यांनी घेतली उपमुख्यमंत्री अजित पवार यांची भेट
मुख्यमंत्र्यांची भेट न झाल्याने अखेर मुख्यमंत्र्यांचे प्रधान सचिव विकासजी खारगे यांना दिले पत्र
मुख्यमंत्री उद्धव ठाकरे यांची मागील अडीच वर्षात एकदाही भेट न झाल्याने व्यक्त केली नाराजी
गडचिरोली,(सुरज गुंडमवार ब्युरो चीफ युवा मराठा न्युज नेटवर्क)
गडचिरोली जिल्ह्यातील आरोग्य विषयक समस्यांची प्रथम आवश्यकता लक्षात घेता प्रथमतः शासकीय मेडिकल कॉलेजला मंजुरी देण्यात यावी अशी मागणी आमदार डॉक्टर देवरावजी होळी यांनी राज्याचे उपमुख्यमंत्री अजितदादा पवार यांची मुंबई येथे भेट घेऊन केली
यावेळी मुख्यमंत्र्यांच्या भेटीकरिता मंत्रालयात गेले असता मुख्यमंत्री उपस्थित नसल्याने अखेर त्यांचे निवेदन त्यांच्या प्रधान सचिवांकडे देत सदर बाब मुख्यमंत्र्यांच्या लक्षात आणून द्यावी अशी विनंती त्यांच्याकडे केली. तसेच मागील अडीच वर्षापासून मुख्यमंत्री एकदाही न भेटल्यामुळे नाराजीही व्यक्त केली
उपमुख्यमंत्री अजित दादा पवार यांच्याशी झालेल्या चर्चेमध्ये आदिवासी विकास विभागाकडून निधीची तरतूद होताच जिल्ह्याला लवकरच मेडिकल कॉलेज देण्यात येईल असे आश्वासन या भेटीदरम्यान आमदार डॉक्टर देवरावजी होळी यांना दिले. आमदार महोदयांनी यावेळी गडचिरोली जिल्ह्यात मेडिकल कॉलेज संदर्भात सुरू असलेल्या चुकीच्या निर्णयांबाबत उपमुख्यमंत्र्यांना अवगत केले. प्रथम आवश्यकता मेडिकल कॉलेजची असल्याने त्यानंतर सुपर स्पेशलिटी हॉस्पिटल चा विचार करण्यात यावा असे अशीही विनंती त्यांनी यावेळी उपमुख्यमंत्री अजित पवार यांना केली.
मागील अडीच वर्षापासून आपण गडचिरोली जिल्ह्याच्या विविध विकासात्मक कामासंदर्भात किंवा समस्या संदर्भात मुख्यमंत्र्यांना भेटण्याचा प्रयत्न केला असता ते मंत्रालयात बसत नसल्याने आमदारांनाही त्यांना भेटता येत नाही यबाबत नाराजी व्यक्त करीत ही एक मोठी शोकांतिका असल्याचे त्यांनी यावेळी म्हटले