राजेंद्र पाटील राऊत
ओबीसी समाजाच्या विद्यार्थ्यांसाठी जिल्हयात स्वतंत्र वस्तीगृह सुरू करा
आमदार डॉ देवरावजी होळी यांची बहुजन कल्याण राज्यमंत्री बच्चू कडू यांच्याकडे मागणी
जिल्हा केंद्रावर २ तर समाज बहुल तालुक्यात किमान १ वसतिगृह सुरू करण्याची मागणी
सर्किट हाऊस गडचिरोली येथे भेट घेवून पत्राद्वारे केले निवेदन
ओबिसी समाजातील उद्योगप्रेमी तरुणांना अनुसूचित जाती जमाती च्या धर्तीवर १५% मार्जिंग मनी उपलब्ध करून देण्याची केली विनंती
गडचिरोली,(सुरज गुंडमवार ब्युरो चीफ युवा मराठा न्युज नेटवर्क)
गडचिरोली जिल्ह्यात केवळ आदिवासी विकास विभाग व समाजकल्याण विभागाचे वस्तीगृह असल्याने ओबीसी समाजातील विद्यार्थ्यांसाठी अत्यल्प जागा उपलब्ध करून दिल्या जातात त्यामूळे अनेक विद्यार्थ्यांना पुढील शिक्षण घेणे अडचणीचे ठरते त्यामुळे जिल्ह्यात ओबीसी समाजाच्या विद्यार्थ्यांसाठी जिल्हयात स्वतंत्र वस्तीगृह सुरू करावे अशी मागणी गडचिरोली विधानसभा क्षेत्राचे आमदार डॉ देवरावजी होळी यांनी राज्याचे बहुजन कल्याण राज्यमंत्री बच्चूजी कडू यांच्याकडे गडचिरोली येथे भेट घेवून केली.
यावेळी आमदार महोदयांनी गडचिरोली जिल्ह्यात ओबीसी विद्यार्थ्यांना स्वतंत्र वस्तीगृह नाही त्यामुळे त्यांच्या अडचणी लक्षात घेण्याची आवश्यकता असल्याचे मंत्री महोदयांना अवगत करुन दिले.
त्यासाठी गडचिरोली जिल्हा केंद्रावर २ वस्तीगृह तर चामोर्शी, आरमोरी, वडसा, गडचिरोली, या तालुक्यात किमान १ वसतिगृह सुरू करण्यात यावे अशी मागणी केली
तसेच ओबिसी समाजातील उद्योगप्रेमी तरुणांना अनुसूचित जाती-जमाती च्या धर्तीवर १५% मार्जिंग मनी उपलब्ध करून दिल्यास जिल्ह्यातील ओबीसी बांधवांना त्याचा मोठा लाभ होईल त्यामूळे १५% मार्जिंग मनी उपलब्ध करून द्यावी अशीही मागणी यावेळी केली