राजेंद्र पाटील राऊत
सहाय्यक पोलीस अधीक्षक अर्चित चांडक यांची धाडसी कार्यवाही
रात्रीची चोरटी वाहतूक करताना सगरोळी घाटातील 38 वाहने 5 जेसीबी ला पकडले
नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
बिलोली तालुक्यातील सगरोळी येथील खाजगी रेती घाटावर रात्रीच्यावेळी रेतीची चोरटी वाहतूक करताना 38 वाहने पाच जेसीबीस पकडून बिलोलीचे सहाय्यक पोलिस अधिक्षक अर्चित चांडक यांच्या टीमने मोठी कार्यवाही शनिवारी मध्यरात्री सगरोळी घाटांवर केली आहे.
लाल वाळू साठी प्रसिद्ध असलेल्या बिलोली तालुक्यातील काही खाजगी वाळू घाटे महसूल विभागाच्या परवानगीने सुरू करण्यात आली .मात्र या वाळू घाटांवर शासकीय नियमांचे राजरोसपणे उल्लंघन केले जाते.ही येथे नित्याची बाब होऊन बसली .येथे होणारे नियमांचे उल्लंघन अनेकदा पोलिसांच्या लक्षात आल्याने चांडक यांनी मागील सप्ताहात येसगी वाळु घाटात जेसीबी मशिन वर कार्यवाही करुन जप्त केली होती. ही घटना ताजी असतानांच पुन्हा चांडक यांनी शनिवारी राञी 2 वाजेच्या दरम्यान सगरोळी घाटात वाळुने भरलेल्या 38 वाहनांना राञीची नियमबाह्य वाहतुक करतांना पकडले. शिवाय याच घाटातल्या 5 जेसीबी मशिन ही ताब्यात घेतल्या. सदरील कार्यवाहीवरुन एक गोष्ट स्पष्ट केली की रात्रीच्या चोरट्या वाहतुकीवर त्यांची करडी नजर आहे. शनिवारी यासंबंधीची माहीती मिळताच मध्यराञी सहाय्यक पोलीस अधीक्षक अर्चित चांडक यांनी बिलोली पोलिस ठाण्याचे पोलीस निरीक्षक शिवाजी अण्णा डोईफोडे व रामतीर्थ पोलिसांच्या मदतीने शनिवारी मध्यरात्री सगरोळी येथील घाटांवर धाड टाकली. ज्यात 38 वाळूने भरलेले वाहने रात्रीची चोरटी वाहतूक करतांना पकडली गेली .शिवाय या वाहनात वाळू भरणाऱ्या पाच जेसीबी ला सुद्धा या सहाय्यक पोलीस अधिक्षकांच्या या पथकाने पकडून कार्यवाही केली. महसुल विभागाकडुन या वाहनांवर मोठी दंडात्मक कार्यवाही होणार असल्याने महसुलचा गल्ला ही आता भरणार आहे. एकुणच चांडक यांच्या या कार्यवाहीने वाळु ठेकेदारांचे धाबे दणाणले असुन राञीची वाहतुक आता महागात पडु शकते असे संकेत या कार्यवाहीने चांडक यांनी दिले आहेत.
