राजेंद्र पाटील राऊत
कळमदरेत आज हरिनाम सप्ताहाची
उत्साही वातावरणात सांगता (सुनील गांगुर्ड प्रतिनिधी युवा मराठा न्युज )
चांदवड-तालुक्यातील कळमदरे गावी स्वानंद सुखनिवासी वै.ह.भ.प.संत श्रीस्वामी यादव महाराज यांच्या पुण्यस्मरणार्थ जयंतीदिना निमिताने आयोजीत केलेल्या अखंड हरिनाम सप्ताह व ज्ञानेश्वरी गाथा पारायण सोहळ्याची आज मोठया उत्साहात सांगता समाप्ती होणार आहे.
रविवार दिनांक ८ मे पासून सुरु झालेल्या या धार्मिक हरिनाम सप्ताहाची आज मोठया उत्साही व जल्लोषपुर्ण वातावरणात सांगता समाप्ती होणार आहे.गत दोन वर्षापासून कोरोना महामारी संकटामुळे या सप्ताहाच्या धार्मिक कार्यक्रमावर निर्बंध इलेले होते.त्यामुळे यावर्षी साज-या झालेल्या कार्यक्रमातून भाविक,ग्रामस्थ व तरुणांमध्ये नवचैतन्य व उत्साहाचे वातावरण दिसून आले.गत आठवडाभरापासून सुरु असलेल्या या हरिनाम सप्ताह कार्यक्रमात महाराष्ट्रातील विविध नामांकीत किर्तनकारांनी हजेरी आपली सेवा दिलेली आहे.तर आज रविवार १५ मे रोजी सकाळी ७ ते ९ या वेळेत दिंडी सोहळ्याची मिरवणूक होऊन सकाळी १०.३० वाजता ह.भ.प.रमेश महाराज गांगुर्ड यांचे काल्याचे किर्तन होईल.त्यानंतर महाप्रसादाने हरिनाम सप्ताहाची सांगता समाप्ती होईल,अशी माहिती कळमदरे ग्रामस्थांनी दिली आहे.