राजेंद्र पाटील राऊत
उंद्री (प.दे.)ता. मुखेड येथे भारतरत्न डॉ.बाबासाहेब आंबेडकर यांची 131वी जयंती मोठ्या उत्साहात साजरी.
नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
आज मुखेड तालुक्यातील उंद्री प .दे.येथे भारतीय राज्यघटनेचे शिल्पकार,भारतरत्न डॉ. बाबासाहेब आंबेडकर यांची 131वी जयंती मोठ्या उत्साहात साजरी करण्यात आली. सर्वप्रथम तथागत गौतम बुद्ध व भारतरत्न डॉ. बाबासाहेब आंबेडकर यांच्या प्रतिमेचे पूजन ग्रामपंचायत सदस्य शंकरराव गुरुजी पंदनवाड यांच्या हस्ते पूजन करुन अभिवादन करण्यात आले. तदनंतर उंद्री नगरीचे सरपंच श्रीमती वनिताताई गनलेवार यांच्या हस्ते महामानव डॉ.बाबासाहेब आंबेडकर यांच्या प्रतिमेचे पूजन करून पंचशील ध्वजाचे ध्वजारोहण करण्यात आले. उपस्थित सर्व बौद्ध उपासक-उपासिकानी तथागत भगवान गौतम बुद्ध व महामानव डॉ. बाबासाहेब आंबेडकर यांच्या प्रतिमेचे पूजन करून अभिवादन करण्यात आले.यावेळी माजी सरपंच शिवाजी पंदनवाड, राजू पाटील सूर्यवंशी, ज्ञानेश्वर पाटील वडजे, आकाश पाटील वडजे, नागेश गुरुजी कोंदापुरे, संजय चव्हाण सर, भगवान पाटील, उत्तम पाटील, न्याजुसाब शेख, बाबूजी वाघमारे सह गावातील जेष्ठ नागरिक, विविध पदाधिकारी, बौद्ध उपासक व उपासिका मोठ्या संख्येने उपस्थित होते.
