राजेंद्र पाटील राऊत
टी.के.आर.एच.विद्यालयात कोवीड प्रतिबंधक लसीकरण दुसर्या टप्प्यास प्रारंभ निमगांव,(विशाल हिरे प्रतिनिधी युवा मराठा न्युज नेटवर्क)
आज. दि. १७ फेब्रुवारी गुरुवार रोजी पंधरा ते अठरा वयोगटातील विद्यार्थ्यांसाठी राबविण्यात येत असलेल्या कोवीड प्रतिबंधक लसीकरण मोहीमेच्या दुसऱ्या टप्प्याला सुरुवात झाली आहे. त्या अंतर्गत निमगाव येथील टी.के.आर.एच. विद्यालयात निमगाव आरोग्य विभागाने पात्र विद्यार्थ्यांना कोवीड प्रतिबंधक लसीचा दुसरा डोस देण्यास प्रारंभ केला आहे. यावेळी मुख्याध्यापक श्री. के. डी. दाभाडे यांनी कोरोना विषाणू पासून बचाव करायचा असेल तर नियमांचे काटेकोरपणे पालन करणे आवश्यक आहे. असे सांगून सर्वांनीच लसीकरण करून घेण्याचे आव्हान केले. आरोग्याधिकारी डॉ. माधुरी शिंदे यांच्या मार्गदर्शनाखाली आरोग्य विभागाच्या श्रीमती आर. आर. अहिरे (आरोग्य सहाय्यिका) श्री. वाय. एन. नंदाळे (आरोग्य सेवक), श्रीमती पी. एच. बच्छाव (आरोग्यसेविका), श्रीमती सोनाली हिरे (आशा सेविका) यांनी विद्यार्थ्यांना लसीकरण केले. याप्रसंगी विद्यालयाचे उपमुख्याध्यापक श्री. बी. एन. पाटील, पर्यवेक्षक श्री. एन. एम. मांडवडे तसेच सर्व शिक्षक बंधू भगिनी व विद्यार्थी उपस्थित होते.