राजेंद्र पाटील राऊत
बहिणीला’ भेटायला आलेल्या भावावर कुऱ्हाडीने हल्ला! जखमी भावाची मृत्यूशी झुंज; सुनेची सासऱ्याविरुद्ध तक्रार; शेगाव तालुक्यातील घटना
(ब्यूरो चिफ स्वप्निल देशमुख यूवा मराठा न्यूज बूलडाणा ) ः बहिणीला भेटण्यासाठी गेलेल्या तरुणावर बहिणीच्या सासऱ्याने कुऱ्हाडीने हल्ला चढवला. हल्ल्यात गंभीर जखमी भाऊ सध्या नागपूरच्या शासकीय वैद्यकीय महाविद्यालयात मृत्यूशी झुंज देत आहे. १४ फेब्रुवारीला सायंकाळी शेगाव तालुक्यातील जानोरी येथे ही घटना घडली. याप्रकरणी आज, १६ फेब्रुवारी रोजी शेगाव ग्रामीण पोलीस ठाण्यात तक्रार देण्यात आली. विवाहितेच्या तक्रारीवरून तिच्या सासऱ्याविरुद्ध गुन्हा दाखल करण्यात आला आहे.
धनराज महादेव हातेकर (३०, रा. वानखेड, ता. संग्रामपूर) असे गंभीर जखमी तरुणाचे नाव आहे. पोलीस सूत्रांच्या माहितीनुसार, धनराज त्याच्या मित्रासोबत बहिणीला भेटण्यासाठी जानोरी येथे गेला होता. त्याच्या बहिणीचे सासरे अशोक इदोकर (६१) यांनी तू आमच्या घरी कशाला आला, असा प्रश्न केला. त्यानंतर अशोक इदोकार याने घरातून कुऱ्हाड आणली.
